തെരഞ്ഞെടുപ്പ് കമ്മീഷനെതിരെ സിപിഐഎം സംസ്ഥാന സെക്രട്ടറി എ. വിജയരാഘവന്‍. ഭരണഘടനാ സ്ഥാപനമായ തെരഞ്ഞെടുപ്പ് കമ്മീഷന്‍ ജനാധിപത്യ മൂല്യങ്ങള്‍ കാത്ത് സൂക്ഷിക്കണം. ഉണ്ടായത് അത്യപൂര്‍വമായ നടപടിയാണ്. രാജ്യസഭാ തെരഞ്ഞെടുപ്പ് എത്രയും വേഗം നടത്തണമെന്നും എ. വിജയരാഘവന്‍ തൃശൂരില്‍ പറഞ്ഞു.

ഭരണഘടനാ സ്ഥാപനങ്ങള്‍ ജനാധിപത്യപരമായ ഉള്ളടക്കം കാത്തുസൂക്ഷിക്കേണ്ടതുണ്ട്. തെരഞ്ഞെടുപ്പ് കമ്മീഷന്‍ അടക്കമുള്ള സ്ഥാപനങ്ങള്‍ക്ക് മേല്‍ സമ്മര്‍ദ്ദം ചെലുത്താനാണ് ബിജെപി അധികാരത്തില്‍ വന്നശേഷം ശ്രമിച്ചിട്ടുള്ളതെന്നും അദ്ദേഹം പറഞ്ഞു.