ഗവര്‍ണര്‍ ആരിഫ് മുഹമ്മദ് ഖാന്‍ ശബരിമലയില്‍ ദര്‍ശനം നടത്തി. പമ്പയില്‍ നിന്ന് ഇരുമുടിക്കെട്ട് നിറച്ചെത്തിയ ഗവര്‍ണര്‍ക്ക് സന്നിധാനത്ത് സ്വീകരണം നല്‍കി. ഇളയ മകനോടൊപ്പമായിരുന്നു ഗവര്‍ണറുടെ അയ്യപ്പ ദര്‍ശനം.

മാളികപ്പുറം ക്ഷേത്രപരിസരത്ത് ഗവര്‍ണര്‍ ചന്ദന തൈ നട്ടു. ഇളയ മകന്‍ കബീര്‍ ആരിഫും ഗവര്‍ണര്‍ക്കൊപ്പം ശബരിമലയില്‍ ദര്‍ശനം നടത്തി. ‘പുണ്യം പൂങ്കാവനം’ പദ്ധതിയുടെ ഭാഗമായുള്ള ശുചീകരണ പരിപാടിയിലും പങ്കെടുത്ത ശേഷമാകും ഗവര്‍ണര്‍ മലയിറങ്ങുക.