ന്യൂജേഴ്‌സി: ഫോക്കാന യൂത്ത് കമ്മിറ്റിയുടെ നേതൃത്വത്തില്‍ നടത്തുന്ന ലീഡര്‍ഷിപ്പ് ആന്‍ഡ് പബ്ലിക് സ്പീക്കിംഗ് വർക്ക്ഷോപ്പ് ടെക്‌സാസിലെ ഫോർട്ട് ബെൻഡ് കൗണ്ടി ജഡ്ജി ജൂലി മാത്യു ഉദ്‌ഘാടനം ചെയ്യും. ഏപ്രിൽ 13 നു വൈകുന്നേരം 6 നു ഫൊക്കാന പ്രസിഡണ്ട് ജോർജി വർഗീസ് അധ്യക്ഷത വഹിക്കുന്ന ചടങ്ങിൽ സെക്രട്ടറി ഡോ. സജിമോൻ ആന്റണി, ട്രഷറർ സണ്ണി മറ്റമന, യൂത്ത് കോർഡിനേറ്ററും നാഷണൽ കമ്മിറ്റി മെമ്പറുമായ രേഷ്മ സുനിൽ എന്നിവർ പ്രസംഗിക്കും.
ഏപ്രിൽ 13 മുതൽ 8 ആഴ്ചത്തേക്ക് എല്ലാ ചൊവ്വാഴ്ചകളിലും വൈകുന്നേരം 6 മുതൽ 7 വരെ വെർച്ച്വൽ ആയി നടക്കുന്ന ലീഡര്‍ഷിപ്പ് ആന്‍ഡ് പബ്ലിക് സ്പീക്കിംഗ് വർക്ക്ഷോപ്പിന് കെയ്സര്‍ യൂണിവേഴ്സിറ്റിയിലെ ഡീനും ടോസ്റ്റ് മാസ്റ്റേഴ്സ് ഇന്റര്‍നാഷണലിന്റെ ഗവര്‍ണറും ജില്ലാ ഡയറക്ടറുമായ ഡോ. വിജയന്‍ നായർ ആയിരിക്കും മേൽനോട്ടം വഹിക്കുക.
യുവജനങ്ങള്‍ക്ക് തങ്ങളുടെ പ്രൊഫഷണല്‍, അക്കാദമിക്‌ കരിയറില്‍ കഴിവുകള്‍ വികസിപ്പിക്കുന്നതിനുള്ള മികച്ച അവസരമാണ് ഈ വര്‍ക്‌ഷോപ്പ്. ഇനിയും രെജിസ്റ്റർ ചെയ്യാത്ത പങ്കെടുക്കാന്‍ ആഗ്രഹിക്കുന്ന യുവജനങ്ങള്‍ https://forms.gle/WpkFdX95PRHN9kx2A എന്ന ലിങ്കില്‍ കയറി രജിസ്റ്റര്‍ ചെയ്യുക.
വർക്ക്ഷോപ്പുമായി ബന്ധപ്പെട്ട കൂടുതൽ വിവരങ്ങൾക്ക് യൂത്ത് എക്‌സിക്യൂട്ടീവുകളുമായി നേരിട്ട് ഫോണിൽ ബന്ധപ്പെടുകയോ fokanayouthcommittee@gmail.com എന്ന ഇമെയിൽ അഡ്രസ്സിലോ മെയിലയക്കുകയോ ചെയ്യേണ്ടതാണെന്ന് ഫൊക്കാന നാഷണൽ കമ്മിറ്റി (യൂത്ത്) അംഗവും യൂത്ത് ക്ലബ്ബ് ചെയർപേഴ്സനുമായ രേഷ്മ സുനിൽ, യൂത്ത് എക്സിക്യൂട്ടീവ് കമ്മിറ്റി അംഗങ്ങളായ സ്റ്റാൻലി എത്തുനിക്കൽ, മഹേഷ് രവി, അഭിജിത്ത് ഹരികുമാർ,അഖിൽ മോഹൻ എന്നിവർ അറിയിച്ചു. കൂടുതൽ വിവരങ്ങൾക്ക് ഫ്ലയർ കാണുക.
ഫൊക്കാന യൂത്ത് കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന ലീഡര്‍ഷിപ്പ് ആന്‍ഡ് പബ്ലിക് സ്പീക്കിംഗ് വർക്ക്ഷോപ്പിൽ പങ്കെടുത്ത് അതിന്റെ ഗുണഭോക്താക്കളാകുവാൻ അമേരിക്കയിലെയും കാനഡയിലെയും എല്ലാ യുവാക്കളെയും സ്വാഗതം ചെയ്യുന്നതായി ഫൊക്കാന പ്രസിഡണ്ട് ജോർജി വർഗീസ്, സെക്രട്ടറി ഡോ. സജിമോൻ ആന്റിണി, ട്രഷറർ സണ്ണി മറ്റമന, ട്രസ്റ്റി ബോർഡ് ചെയർമാൻ ഫിലിപ്പോസ് ഫിലിപ്പ്, എക്സിക്യൂട്ടീവ് വൈസ് പ്രസിഡണ്ട് ജെയ്‌ബു മാത്യു, വൈസ് ചെയർമാൻ തോമസ് തോമസ്, അസോസിയേറ്റ് ട്രഷറർ വിപിൻ രാജു, അഡിഷണൽ അസോസിയേറ്റ് സെക്രെട്ടറി ജോജി തോമസ്, അഡിഷണൽ അസോസിയേറ്റ് ട്രഷറർ ബിജു ജോൺ, വിമൻസ് ഫോറം ചെയർപേഴ്സൺ ഡോ. കല ഷഹി, ട്രസ്റ്റി ബോർഡ് ചെയർമാൻ ഫിലിപ്പോസ് ഫിലിപ്പ് എന്നിവർ അറിയിച്ചു.
