ബാങ്കിനുള്ളില് തൂങ്ങിമരിച്ച കാനറ ബാങ്ക് കൂത്തുപറമ്ബ് തൊക്കിലങ്ങാടി ശാഖാ മാനേജര് കെ.എസ്.സ്വപ്ന(38) യുടേത് ആത്മഹത്യ എന്ന് പോലീസ് പോലീസ് നിഗമനം. ജോലിയുമായി ബന്ധപ്പെട്ട മാനസിക സംഘര്ഷങ്ങളാണ് ആത്മഹത്യയിലേക്ക് നയിച്ചതെന്ന് സൂചിപ്പിക്കുന്ന ഡയറി കുറിപ്പും സ്വപ്നയുടെ മൃതദേഹത്തിന് സമീപത്ത് നിന്ന് കണ്ടെത്തി. ഇതേത്തുടര്ന്ന് സിസിടിവി ദൃശ്യങ്ങളും പോലീസ് പരിശോധിച്ചു. തൃശൂര് മണ്ണുത്തി മുള്ളേക്കര സ്വദേശിനിയായ സ്വപ്നയുടെ ഭര്ത്താവ് ഒരു വര്ഷം മുന്പാണ് മരിച്ചത്.രണ്ട് കുട്ടികളുണ്ട് സ്വയനക്ക്. കഴിഞ്ഞ സെപ്റ്റംബറിലാണ് ഇവര് ബാങ്ക് മാനേജരായി തൊക്കിലങ്ങാടിയില് എത്തിയത്. കൂത്തുപറമ്ബിനടത്ത് നിര്മലഗിരി കുട്ടിക്കുന്നിലാണ് സ്വപ്ന കുടുംബത്തോടൊപ്പം താമസിച്ചിരുന്നത്. വെള്ളിയാഴ്ച രാവിലെയാണ് സംഭവം. 9 മണിയോടെ ജീവനക്കാരി ബാങ്കില് എത്തിയപ്പോഴാണ് സ്വപ്നയെ മരിച്ച നിലയില് കാണുന്നത്. ഉടന് കൂത്തുപറമ്ബ് താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിനായി തലശ്ശേരി ജനറല് ആശുപത്രിയിലേക്ക് മാറ്റിയിട്ടുണ്ട്. കൂത്തുപറമ്ബ് എസിപി കെ.ജി. സുരേഷും എസ്ഐ കെ.ടി. സന്ദീപും പരിശോധന സംഭവസ്ഥലത്ത് പരിശോധന നടത്തി.