കൊച്ചി: രാജ്യസഭാ തെരഞ്ഞെടുപ്പ് മാറ്റിവയ്ക്കാനുള്ള കാരണമറിയിക്കാന് കേന്ദ്ര തെരഞ്ഞെടുപ്പ് കമ്മീഷന് നിര്ദേശം. ഇക്കാര്യം രേഖാമൂലം അറിയിക്കണമെന്ന് ഹൈക്കോടതിയാണ് ആവശ്യപ്പെട്ടത്.
അതേസമയം, രാജ്യസഭാ അംഗങ്ങളുടെ വിരമിക്കലിന് മുന്പ് തെരഞ്ഞെടുപ്പ് വിജ്ഞാപനം ഇറക്കുമെന്ന് തെരഞ്ഞെടുപ്പ് കമ്മിഷന് ഹൈക്കോടതിയില് ഉറപ്പുനല്കി. തെരഞ്ഞെടുപ്പ് മാറ്റിയതിനെതിരായ ഹര്ജികള് വെള്ളിയാഴ്ച പരിഗണിക്കും.
കേരളത്തില്നിന്നു കാലാവധി പൂര്ത്തിയാക്കുന്ന രാജ്യസഭയിലെ മൂന്ന് ഒഴിവുകളിലേക്ക് ഏപ്രില് 12ന് പ്രഖ്യാപിച്ചിരുന്ന തെരഞ്ഞെടുപ്പാണ് കമ്മീഷന് നേരത്തേ മരവിപ്പിച്ചിരുന്നത്. നിയമസഭാ തെരഞ്ഞെടുപ്പിനു വിജ്ഞാപനം പുറത്തിറക്കിയ ശേഷം അതേ നിയമസഭയില്നിന്നു രാജ്യസഭയിലേക്കുള്ള തെരഞ്ഞെടുപ്പു നടത്തുന്നത് ഉചിതവും ചട്ടപ്രകാരവും ആകില്ലെന്ന നിയമോപദേശത്തെ തുടര്ന്നാണു തുടങ്ങിവച്ച നടപടികള് മരവിപ്പിച്ചത്.
ഇനി മേയ് രണ്ടിന് നിയമസഭാ തെരഞ്ഞെടുപ്പു ഫലം പുറത്തുവന്ന ശേഷമേ രാജ്യസഭയിലെ ഒഴിവുകള് നികത്തുന്നതിനുള്ള നടപടികള് പുനരാരംഭിക്കുകയുള്ളൂ