മുംബൈ: ഇന്ത്യന്‍ പ്രീമിയര്‍ ലീഗ് മുന്‍ നിശ്ചയിച്ചതുപോലെ നടക്കുമെന്ന് ബിസിസിഐ അധ്യക്ഷന്‍ സൗരവ് ഗാംഗുലി. മഹാരാഷ്ട്രയില്‍ സര്‍ക്കാര്‍ ഭാഗികമായി ലോക്ക്ഡൗണ്‍ പ്രഖ്യാപിച്ചതിനു പിന്നാലെയാണ് ഗാംഗുലി ഇക്കാര്യം വ്യക്തമാക്കിയത്.
പത്ത് ഐപിഎല്‍ മത്സരങ്ങള്‍ക്കാണ് ഇത്തവണ മഹാരാഷ്ട്രയിലെ മുംബൈ വേദിയാകുന്നത്. മുംബൈയിലെ വാങ്കഡേ സ്റ്റേഡിയത്തില്‍ ഏപ്രില്‍ പത്ത് മുതല്‍ 25 വരെയാണ് മത്സരങ്ങള്‍ ക്രമീകരിച്ചിരിക്കുന്നത്.
കോവിഡ് വ്യാപിക്കുന്ന പശ്ചാത്തലത്തില്‍ രാത്രികാല കര്‍ഫ്യൂ, വാരാന്ത്യങ്ങളില്‍ കര്‍ശന ലോക്ക്ഡൗണ്‍ തുടങ്ങിയ നിയന്ത്രണങ്ങളാണ് മഹാരാഷ്ട്ര സര്‍ക്കാര്‍ ഏര്‍പ്പെടുത്തിയിരിക്കുന്നത്.
