മിലാന്: ഇറ്റലിയിലെ ലീഗ് കിരീട പോരാട്ടത്തില് ഇന്റര് മിലാന് കരുത്തോടെ മുന്നോട്ട്. കരുത്തരായ അറ്റ്ലാന്റയെ എതിരില്ലാത്ത ഒരു ഗോളിന് ഇന്റര് തോല്പ്പിച്ചു. ലീഗിലെ തുടര്ച്ചയായ എട്ടാം വിജയമാണ് ഇന്റര് നേടിയത്.
മത്സരത്തിന്റെ രണ്ടാം പകുതിയില് ആയിരുന്നു ഗോള് പിറന്നത്. 54-ാം മിനിറ്റില് ബാസ്റ്റോണി കൊടുത്ത പാസില് നിന്ന് ഡിഫന്ഡറായ സ്ക്രിനിയറാണ് ഗോള് നേടുന്നത്. ഈ ലീഡ് സമര്ത്ഥമായി പ്രതിരോധിക്കാന് ഇന്ററിന് സാധിച്ചു.
ജയത്തോടെ ഇന്റര് മിലാന് 26 മത്സരങ്ങളില് നിന്ന് 62 പോയിന്റായി. 56 പോയിന്റുമായി നില്ക്കുന്ന എസി മിലാനാണ് ഇന്ററിന് പിറകില് ഉള്ളത്.