കോഴിക്കോട്: എയര് ഇന്ത്യ ഓഫിസ് ആക്രമണ കേസില് ടി.വി. രാജേഷ് എം.എല്.എയെയും പി.എ മുഹമ്മദ് റിയാസിനെയും കോടതി റിമാന്ഡ് ചെയ്തു. 2010ല് ഡി.വൈ.എഫ്.ഐ സമരത്തിനിടെ നടന്ന ആക്രമണ കേസിലാണ് നടപടി.
കോഴിക്കോട് ചീഫ് ജുഡീഷ്യല് മജിസ്ട്രേറ്റ (നാല്) കോടതിയാണ് ഇരുവരെയും റിമാന്ഡ് ചെയ്തത്. കേസില് ജാമ്യം എടുക്കാന് കോടതിയില് എത്തിയതായിരുന്നു ടി.വി. രാജേഷ് എം.എല്.എയും പി.എ മുഹമ്മദ് റിയാസും. റിമാന്ഡിലായ ഇരുവരെയും ഉടന് ജയിലിലേക്ക് മാറ്റും.
