ബോളിവുഡ് നടി എമ്മ വാട്സൺ അഭിനയം മതിയാക്കുന്നു എന്ന വാർത്തകളോട് പ്രതികരിച്ച് താരത്തിൻ്റെ മാനേജർ ജേസൺ വെയിൻബെർഗ്. എമ്മയുടെ സമൂഹമാധ്യമ അക്കൗണ്ടുകൾ നിർജീവമാകുമെന്നും കരിയർ അങ്ങനെയാവില്ലെന്നുമാണ് മാനേജറുടെ പ്രതികരണം. കഴിഞ്ഞ ദിവസമാണ് എമ്മ അഭിനയം നിർത്തുന്നു എന്ന റിപ്പോർട്ടുകൾ പുറത്തുവന്നത്.
പ്രതിശ്രുതവരൻ ലിയോ റോബിൻടണൊപ്പം കൂടുതൽ സമയം ചെലവഴിക്കാനാണ് താരം സിനിമാ അഭിനയം മതിയാക്കിയത് എന്നായിരുന്നു റിപ്പോർട്ടുകൾ. ഇനി പുതിയ റോളുകളൊന്നും സ്വീകരിക്കുന്നില്ല എന്ന് എമ്മ പറഞ്ഞതായും റിപ്പോർട്ടുകൾ സൂചിപ്പിച്ചിരുന്നു. എമ്മയുടെ ഏജൻ്റ് ഡെയിലി മെയിലിനോടാണ് ഇക്കാര്യം വെളിപ്പെടുത്തിയതെന്നാണ് റിപ്പോർട്ട്.
