ന്യൂഡല്ഹി: കേരളത്തിനൊപ്പം മറ്റ് നാല് സംസ്ഥാനങ്ങളിലേയും നിയമസഭാ തെരഞ്ഞെടുപ്പ് പ്രഖ്യാപിച്ചു. ആസാമില് മൂന്ന് ഘട്ടമായാണ് തെരഞ്ഞെടുപ്പ് നടക്കുന്നത്. ആദ്യഘട്ട വോട്ടെടുപ്പ് മാര്ച്ച് 27 നും രണ്ടാം ഘട്ടം ഏപ്രില് ഒന്നിനും മൂന്നാം ഘട്ടം ആപ്രില് ആറിനും നടക്കും.
കേരളത്തിനൊപ്പം ഏപ്രില് ആറിന് ആണ് തമിഴ്നാട്ടിലും പുതുച്ചേരിയിലും വോട്ടെടുപ്പ്. രണ്ടിടത്തും ഒറ്റഘട്ടമായാണ് തെരഞ്ഞെടുപ്പ് നടക്കുന്നത്. വലിയ രാഷ്ട്രീയ പോരാട്ടം പ്രതീക്ഷിക്കുന്ന പശ്ചിമ ബംഗാളില് എട്ട് ഘട്ടമായാണ് തെരഞ്ഞെടുപ്പ് നടക്കുക. ആദ്യ ഘട്ട വോട്ടെടുപ്പ് മാര്ച്ച് 27 ന് നടക്കും.
രണ്ടാം ഘട്ടം ഏപ്രില് ഒന്ന്, മൂന്നാം ഘട്ടം ഏപ്രില് ആറ്, നാലാം ഘട്ടം ഏപ്രില് 10, അഞ്ചാം ഘട്ടം ഏപ്രില് 17, ആറാം ഘട്ടം ഏപ്രില് 22, ഏഴാം ഘട്ടം ഏപ്രില് 26, അവസാന ഘട്ടം ഏപ്രില് 29 നും നടക്കും. എല്ലാ ഇടത്തേയും ഫലം മെയ് രണ്ടിന് പ്രഖ്യാപിക്കും. തെരഞ്ഞെടുപ്പ് തീയതി പ്രഖ്യാപിച്ചതിനു പിന്നാലെ മാതൃകാപെരുമാറ്റച്ചട്ടം നിലവില് വന്നു.