കോവിഡ് വാക്സിനേഷന്റെ രണ്ടാം ഘട്ടത്തില് ആസ്ട്രസെനക വാക്സിന് മാത്രം ഉപയോഗിക്കാനൊരുങ്ങി ശ്രീലങ്ക. ചൈനീസ്, റഷ്യന് വാക്സിനുകള് ഒഴിവാക്കി സീറം ഇന്സ്റ്റിറ്റ്യൂട്ട് ഉത്പാദിപ്പിക്കുന്ന ആസ്ട്രസെനക വികസിപ്പിച്ച വാക്സിന് മാത്രം ഉപയോഗിച്ച് രണ്ടാംഘട്ട വാക്സിനേഷന് നടത്താനാണ് സാധ്യതയെന്ന് സര്ക്കാര് വക്താവ് പറഞ്ഞു.
1.35 കോടി ഓക്സ്ഫഡ് ആസ്ട്രസെനക വാക്സിനുകള്ക്ക് ശ്രീലങ്ക ഓര്ഡര് നല്കിക്കഴിഞ്ഞു. ഇന്ത്യ സമ്മാനിച്ച അഞ്ച് ലക്ഷം ഡോസുകള്ക്ക് പുറമെയാണിത്. ചൈനീസ് വാക്സിനുകളുടെ മൂന്നാംഘട്ട പരീക്ഷണങ്ങളുമായി ബന്ധപ്പെട്ട വിവരങ്ങള് ഇതുവരെ കൈമാറിയിട്ടില്ലെന്നാണ് ശ്രീലങ്കന് അധികൃതര് പറയുന്നത്.