അഗളി: അട്ടപ്പാടിയില്‍ ഒന്നര വയസ്സുള്ള ആണ്‍കുട്ടിക്ക് ഷിഗെല്ല രോഗം സ്ഥിരീകരിച്ചു. ഭൂതുവഴി ആദിവാസി ഊരിലെ കുട്ടിക്കാണ് രോഗം സ്ഥിരീകരിച്ചത്. കഴിഞ്ഞ 12ന് പനി, ഛര്‍ദ്ദി, അപസ്മാരം, ശ്വാസതടസ്സം എന്നീ രോഗങ്ങള്‍ മൂലം കോട്ടത്തറ ട്രൈബല്‍ സ്പെഷാലിറ്റി ആശുപത്രിയില്‍ പ്രവേശിപ്പിച്ചിരുന്നു.
ഷിെഗല്ല മൂലമുള്ള മസ്തിഷ്കജ്വരമാണ് ബാധിച്ചതെന്ന് കണ്ടെത്തിയതിനെ തുടര്‍ന്ന് പ്രാഥമിക ചികിത്സക്കുശേഷം വെന്‍റിലേറ്റര്‍ ആംബുലന്‍സ് സംവിധാനത്തോടെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.ആരോഗ്യനില മെച്ചപ്പെട്ടതായും വാര്‍ഡിലേക്ക് മാറ്റിയതായും ആരോഗ്യവകുപ്പ് അധികൃതര്‍ അറിയിച്ചു.
ഭൂതുവഴി ഊരിലേക്ക് വിതരണം ചെയ്യുന്ന കുടിവെള്ളത്തിെന്‍റ സാമ്പിളുകള്‍ ശേഖരിച്ച്‌ പാലക്കാട് ജില്ല ആശുപത്രിയിലെ ലാബില്‍ പരിശോധനക്ക് അയച്ചു.
ശിരുവാണി പുഴയിലെയും തുമ്പപ്പാറ കുടിവെള്ള പദ്ധതിയിലെയും വെള്ളമാണ് രോഗബാധയുടെ പശ്ചാത്തലത്തില്‍ പാലക്കാട് െഡപ്യൂട്ടി ഡി.എം.ഒ ഡോ. അനൂപിെന്‍റ നേതൃത്വത്തില്‍ പരിശോധനക്ക് അയച്ചത്.
