കുവൈത്ത് സിറ്റി: കുവൈത്തില് വെള്ളിയാഴ്ച 976 പുതിയ കോവിഡ് കേസുകള് റിപ്പോര്ട്ട് ചെയ്തു. ഇതുവരെ 1,82,460 പേര്ക്കാണ് വൈറസ് ബാധിച്ചത്. ഏഴ് മരണം റിപ്പോര്ട്ട് ചെയ്തു. ഇതോടെ ആകെ മരണം 1034 ആയി. 920 പേര്കൂടി രോഗമുക്തി നേടി. ഇതുവരെ കുവൈത്തില് കോവിഡ് മുക്തരായത് 1,70,326 പേരാണ്. ബാക്കി 11,100 പേര് ചികിത്സയിലാണ്. 148 പേര് തീവ്രപരിചരണ വിഭാഗത്തില് കഴിയുന്നു. തീവ്രപരിചരണ വിഭാഗത്തില് അഞ്ചു പേരുടെ കുറവുണ്ടായി.
10,016 പേര്ക്കാണ് വൈറസ് പരിശോധന നടത്തിയത്. ആകെ 17,18,097 പേര്ക്ക് വൈറസ് പരിശോധന നടത്തി. പ്രതിദിന കേസുകള് ആയിരത്തിനടുത്തായി തുടരുന്നതും കൂടുതല് മരണം റിപ്പോര്ട്ട് ചെയ്യുന്നതും ആശങ്കക്ക് വക നല്കുന്നു. പ്രതിദിന രോഗമുക്തിയും ഒപ്പത്തിനൊപ്പമുള്ളതാണ് ആശ്വാസം.
രാജ്യത്തെ ആശുപത്രികളില് ലഭ്യമായ െഎ.സി.യു വാര്ഡുകളുടെ മൂന്നിലൊന്ന് ഇതിനകം നിറഞ്ഞു. കൂടുതല് െഎ.സി.യു വാര്ഡ് സ്ഥാപിച്ച് ചികിത്സ ശേഷി വര്ധിപ്പിക്കാന് ആരോഗ്യ മന്ത്രാലയം ശ്രമിക്കുന്നു.
രണ്ടാഴ്ചക്കിടെ ഒന്നര ഇരട്ടിയിലധികമാണ് തീവ്രപരിചരണ വിഭാഗത്തിലുള്ളവരുടെ എണ്ണത്തില് വര്ധനവുണ്ടായത്. ആകെ ചികിത്സയിലുള്ളവരുടെ എണ്ണത്തിലും മരണസംഖ്യയിലും ഗണ്യമായ വര്ധനയുണ്ട്.