സംസ്ഥാനത്തെ സ്റ്റേജ് കാര്യേജ് ബസുകളുടെയും കോണ്ട്രാക്റ്റ് കാര്യേജ് ബസുകളുടെയും 2021 ജനുവരി ഒന്നിന് ആരംഭിച്ച ത്രൈമാസ വാഹന നികുതി പൂര്ണമായും ഒഴിവാക്കാന് സര്ക്കാര് തീരുമാനിച്ചു. ദീര്ഘകാലമായി കുടിശികയുള്ള മോട്ടോര് വാഹന നികുതി തുക തവണകളായി അടയ്ക്കുന്നതിന് എല്ലാവിധ വാഹന ഉടമകള്ക്കും അനുവാദം നല്കിയിട്ടുണ്ട്.
- ആറ് മാസം മുതല് ഒരു വര്ഷം വരെയുള്ള കുടിശിക അടയ്ക്കുന്നതിന് – 2021 മാര്ച്ച് 20 മുതല് ആറ് പ്രതിമാസ തവണകള്
- ഒരു വര്ഷം മുതല് രണ്ടു വര്ഷം വരെയുള്ള കുടിശിക തുക അടയ്ക്കുന്നതിന് – 2021 മാര്ച്ച് 20 മുതല് എട്ട് പ്രതിമാസ തവണകള്
- രണ്ട് വര്ഷം മുതല് നാല് വര്ഷം വരെയുള്ള കുടിശിക തുക അടയ്ക്കുന്നതിന് – 2021 മാര്ച്ച് 20 മുതല് പത്ത് പ്രതിമാസ തവണകള്
നാല് വര്ഷത്തില് കൂടുതല്കാലം കുടിശിക വരുത്തിയിട്ടുള്ള വാഹന ഉടമകള്ക്ക് 30 ശതമാനം മുതല് 40 ശതമാനം വരെ ബാധകമായ ഇളവുകളോടെ കുടിശിക തുക അടച്ച് തീര്ക്കുന്നതിനുള്ള ഒറ്റത്തവണ തീര്പ്പാക്കല് പദ്ധതി 2021 മാര്ച്ച് 31 വരെ നിലവിലുണ്ട്. റവന്യൂ റിക്കവറി നടപടി നേരിടുന്നവര്, വാഹനം നഷ്ടപ്പെട്ടവര്, വാഹനം പൊളിച്ചവര് എന്നിവര്ക്കും ഈ പദ്ധതി പ്രകാരം ഇളവുകളോടെ കുടിശിക നികുതി തുക അടയ്ക്കാവുന്നതാണ്.