രാജ്യത്ത് ജനിതക മാറ്റം വന്ന കോവിഡ് വൈറസിന്റെ വകഭേദങ്ങള് ഉണ്ടെന്ന റിപ്പോര്ട്ടിനു പിന്നാലെ ജാഗ്രത നിര്ദേശങ്ങളുമായി കേന്ദ്ര ആരോഗ്യമന്ത്രാലയം. വിദേശത്തു നിന്ന് രാജ്യത്തേക്ക് എത്തുന്നവര് മോളിക്കുലര് പരിശോധനയ്ക്ക് വിധേയരാകണമെന്ന് കേന്ദ്രം നിര്ദേശിച്ചു. മറ്റ് സ്ഥലങ്ങളില് നിന്ന് ഈ രാജ്യങ്ങള് വഴി ഇന്ത്യയിലെത്തുന്നവര്ക്കും ഇത് ബാധകമാണ്.
പരിശോധനയുടെ ചെലവ് യാത്രക്കാര് തന്നെ വഹിക്കണം. യാത്ര ചെയ്യുന്നവര് നേരത്തെ തന്നെ വെബ്സൈറ്റ് വഴി സെല്ഫ് ഡിക്ലറേഷന് പൂരിപ്പിച്ച് നല്കണമെന്നും അറിയിച്ചിട്ടുണ്ട്. കഴിഞ്ഞ 14 ദിവസത്തിനിടെ സഞ്ചരിച്ചിട്ടുള്ള വിദേശ രാജ്യങ്ങളുടെ അടക്കം വിവരങ്ങളാണ് ഈ ഡിക്ലറേഷനില് ആവശ്യപ്പെടുക. ഇതിന് പുറമെ ബ്രസീല് യു.കെ ദക്ഷിണാഫ്രിക്ക എന്നിവിടങ്ങളില് നിന്നുള്ളവര് ഇന്ത്യയിലൂടെയുള്ള ട്രാന്സിറ്റ് യാത്രയ്ക്കിടെ ഇവിടെ ഏഴ് മണിക്കൂര് ഇടവേള ഉറപ്പാക്കണം.പരിശോധനക്ക് ആവശ്യമായ സമയം കൂടി കണക്കാക്കിയാണ് ഇത്തരമൊരു നിര്ദേശം.