ഭോപ്പാല്: മുന് വിദേശകാര്യമന്ത്രി സുഷമ സ്വരാജിന് ആദരവുമായി മധ്യപ്രദേശ് സര്ക്കാര്. സുഷമാ സ്വരാജിനോടുള്ള ആദര സൂചകമായി സര്ക്കാര് പ്രതിമ സ്ഥാപിക്കും. സുഷമാ സ്വരാജിന്റെ ജന്മവാര്ഷിക ദിനമായ ഞായറാഴ്ച മുഖ്യമന്ത്രി ശിവരാജ് സിംഗ് ചൗഹാനാണ് ഇക്കാര്യം അറിയിച്ചത്.
സുഷമയുടെ ലോക്സഭാ മണ്ഡലമായിരുന്ന വിദിഷയിലാണ് പ്രതിമ സ്ഥാപിക്കുക. വിദിഷയിലെ ടൗണ് ഹാളില് പ്രതിമ സ്ഥാപിക്കാനാണ് സര്ക്കാരിന്റെ തീരുമാനം. ജന്മവാര്ഷിക ദിനത്തില് ശിവരാജ് സിംഗ് ചൗഹാന് സുഷമ സ്വരാജിന്റെ വസതിയില് എത്തി ആദരമര്പ്പിച്ചു.