കൊച്ചി :നടിയെ ആക്രമിച്ച കേസിലെ മാപ്പു സാക്ഷി വിപിന്ലാല് വിചാരണക്കോടതിയുടെ അറസ്റ്റ് വാറന്റിനെതിരെ സമര്പ്പിച്ച ഹര്ജി ഹൈക്കോടതി ഇന്ന് പരിഗണിക്കും. ഇക്കഴിഞ്ഞ 21 നാണ് വിചാരണക്കോടതി വിപിന്ലാലിനെതിരെ അറസ്റ്റ് വാറന്റ് പുറപ്പെടുവിച്ചത്.
വിയ്യൂര് ജയിലില് കഴിയവേ ജാമ്യം ലഭിക്കാതെ ജയില് മോചിതനായതിനെ തുടര്ന്ന് ഇയാളെ ഹാജരാക്കുവാന് അന്വേഷണ സംഘത്തോട് നേരത്തെ കോടതി നിര്ദ്ദേശിച്ചിരുന്നു.
തുടര്ന്ന് വിപിന് ലാലിനെ കണ്ടെത്താനായില്ലെന്ന് പ്രോസിക്യൂഷന് അറിയിക്കുകയും വിചാരണക്കോടതി വാറന്റ് പുറപ്പെടുവിക്കുകയുമായിരുന്നു.