സിറം ഇന്സ്റ്റിറ്റ്യൂട്ടിന്റെ പൂനയിലെ മരുന്നുനിര്മാണ കേന്ദ്രത്തിലുണ്ടായ തീപിടിത്തത്തിന്റെ കാരണം വ്യക്തമാകാന് അന്വേഷണം ആരംഭിച്ചു.പൂന മുനിസിപ്പല് കോര്പറേഷന്, പൂന നഗരവികസന അഥോറിറ്റി, മഹാരാഷ്ട്ര വ്യവസായ വികസന കോര്പറേഷന് എന്നിവയുടെ അഗ്നിശമനസേനാ വിഭാഗങ്ങള് സംയുക്തമായാണ് അന്വേഷണം നടത്തുന്നത്.
സെറംഇന്സ്റ്റിറ്റ്യുട്ടില് പുതുതായി നിര്മ്മിച്ചുകൊണ്ടിരുന്ന കെട്ടിടത്തിലാണ് കഴിഞ്ഞ ദിവസം തീപിടുത്തമുണ്ടായത്. അപകടത്തില് അഞ്ച് പേര് കൊല്ലപ്പെട്ടു. അപകടത്തില് മരിച്ചവരുടെ ആശ്രിതര്ക്ക് 25 ലക്ഷം രൂപ നഷ്ടപരിഹാരം നല്കാന് തീരുമാനിച്ചതായും സെറം ഇന്സ്റ്റിറ്റിയൂട്ട് ചെയര്മാന് സൈറസ് പൂനാവാല അറിയിച്ചിരുന്നു.