കങ്ങഴ: നെഞ്ചുവേദന അനുഭവപ്പെട്ട രോഗിയുമായി ആശുപത്രിയിലേക്ക് പുറപ്പെട്ട ആംബുലന്സ് അപകടത്തില്പെട്ടു. ഹൃദയാഘാതമുണ്ടായ രോഗി ആശുപത്രിയില് മരിച്ചു. മുണ്ടത്താനം ആശാരിപ്പറമ്പില് അഭിലാഷാണ് (38) മരിച്ചത്. വെള്ളിയാഴ്ച രാവിലെ 9.30ഓടെയായിരുന്നു സംഭവം. നെഞ്ചുവേദനയെത്തുടര്ന്ന് അഭിലാഷിനെ ആംബുലന്സില് ചെത്തിപ്പുഴയിലെ സ്വകാര്യ ആശുപത്രിയിലേക്ക് കൊണ്ടുപോകുകയായിരുന്നു.
ഇലക്കാടിന് സമീപം എതിര്ദിശയില് എത്തിയ ടോറസില് ഇടിക്കാതിരിക്കാന് വെട്ടിച്ചുമാറ്റുന്നതിനിടെ നിയന്ത്രണംവിട്ട ആംബുലന്സ് സമീപത്തെ ബസ് കാത്തിരിപ്പ് കേന്ദ്രത്തിലേക്ക് ഇടിച്ചുകയറി.
പത്തനാട്ടുനിന്ന് മറ്റൊരു ആംബുലന്സ് എത്തിച്ചാണ് അഭിലാഷിനെ ആശുപത്രിയിലേക്ക് കൊണ്ടുപോയത്. കറുകച്ചാലിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും മരിച്ചു.ഭാര്യ: ഗീതു. മക്കള്: അതുല്യ, മിഥുല. സംസ്കാരം ശനിയാഴ്ച 10.30ന് വീട്ടുവളപ്പില്.