അര്ജന്റീനന് ഇതിഹാസം ഡീഗോ മറഡോണ മരണപെട്ടപ്പോള്, മഹാനായ ആ കളിക്കാരനോടൊപ്പമുള്ള ചിത്രങ്ങള് ലോക ഫുട്ബാളിലെ നിരവധി താരങ്ങള് പുറത്തുവിട്ടിരുന്നു. മറഡോണക്ക് മരണമില്ലെന്ന് ആശംസിച്ച് ആ ഇതിഹാസ നായകനെ ലോകം സ്മരിച്ചു.
ബ്രസീലിയന് താരം നെയ്മര് 14ാം വയസില് ഡീഗോയോടൊപ്പം നില്ക്കുന്ന ചിത്രമാണ് ഇപ്പോള് ഫുട്ബാള് പ്രേമികള് അത്ഭുതേത്താടെ നോക്കുന്നത്. അര്ജന്റീന-ബ്രസീല് സൗഹൃദ ഫുട്സാല് മത്സരത്തിലെത്തിയ ഡീഗോയോടൊപ്പം നെയ്മര് ചേര്ന്ന് നില്ക്കുന്ന ചിത്രമാണ് പങ്കുവെച്ചത്.
”മറഡോണയോടൊപ്പം പലതവണ ചെലവഴിച്ചിട്ടുണ്ട്. അതില് ഒാര്മയില് മായാതെയുള്ളത് എനിക്ക് പതിമൂന്നോ പതിനാലോ വയസുള്ളപ്പോള് അദ്ദേഹത്തെ നേരിട്ടുകണ്ടതാണ്. ഫോേട്ടാക്ക് അനുവാദം ചോദിച്ചപ്പോള് യാതൊരു മടിയുമില്ലാതെ ചേര്ത്തുവച്ചു”- നെയ്മര് കുറിച്ചു.
” അര്ജന്റീന-ബ്രസീല് ലെജന്ഡ് മത്സരത്തിന് ബ്രസീലില് എത്തിയതായിരുന്നു അദ്ദേഹം. പ്രദര്ശന മത്സരം കാണാന് കുറച്ച് കുട്ടികള്ക്ക് അവസരം ലഭിച്ചപ്പോള് അതില് ഞാനും ഉണ്ടായിരുന്നു. ബ്രസീല് താരങ്ങള് സഞ്ചരിച്ച ബസില് സീറ്റില്ലാത്തതിനാല് അര്ജന്റീനന് താരങ്ങളുടെ ബസില് എനിക്ക് കയറാന് പറ്റി. ബസില് അര്ജന്റീനയുടെ ഒഫീഷ്യലുകളുമായി സൗഹൃദത്തിലായി. അവരാണ് മറഡോണയെ പരിചയപ്പെടുത്തിത്തരുന്നത്”- നെയ്മര് ഒാര്ത്തു.
മറഡോണയുടെ സംസ്കാര ചടങ്ങുകള്ക്ക് ശേഷം പി.എസ്.ജിക്കായുള്ള പരിശീലന സമയത്ത് നെയ്മറും എംബാപ്പെയും സഹതാരങ്ങളും മറഡോണക്ക് ആദരവ് അര്പ്പിച്ച് ജഴ്സി അണിഞ്ഞിരുന്നു.