ബംഗാൾ ഉൾക്കടലിൽ ബുറെവി ചുഴലിക്കാറ്റ് രൂപപ്പെട്ടു. മണിക്കൂറില് പരമാവധി 90 കിലോമീറ്റര് വരെ വേഗതയിലായിരിക്കും ബുറെവി കരയില് പ്രവേശിക്കുക. തുടര്ന്ന്,ശക്തി കുറഞ്ഞ് വ്യാഴാഴ്ച്ചയോടെ ചുഴലിക്കാറ്റ് കന്യാകുമാരി തീരത്ത് എത്താനുള്ള സാധ്യതയും കാലാവസ്ഥ നിരീക്ഷണ കേന്ദ്രം പ്രവചിക്കുന്നു.
തെക്കന് കേരളത്തിലും തെക്കന് തമിഴ് നാട്ടിലും ചുഴലിക്കാറ്റ് ജാഗ്രത മുന്നറിയിപ്പ് നല്കിയിട്ടുണ്ട്. ബുറെവിയുടെ പ്രഭാവത്താല് നാളെ മുതല് വെള്ളിയാഴ്ച്ച വരെ സംസ്ഥാനത്ത് അതിശക്തമായ മഴയ്ക്കും കാറ്റിനും സാധ്യതയുണ്ട്.
ബുറെവി ചുഴലിക്കാറ്റിനെ തുടര്ന്ന് തെക്കന് കേരളത്തില് വെള്ളപ്പൊക്ക ഭീഷണിയെന്ന് കേന്ദ്ര ജല കമ്മീഷന് മുന്നറിയിപ്പ് നൽകിയിട്ടുണ്ട്. പ്രധാന അണക്കെട്ടുകളില് സംഭരണ ശേഷിയുടെ 85 ശതമാനത്തില് അധികം ജലമുണ്ടെന്ന് കമ്മീഷന് മുന്നറിയിപ്പ് നല്കി. ബുധന്, വ്യാഴം ദിവസങ്ങളില് അതിതീവ്ര മഴ പെയ്താല് അണക്കെട്ടുകള് നിറയുമെന്ന് മുന്നറിയിപ്പുണ്ട്. ശബരിമല തീര്ത്ഥാടന കാലം ആയതിനാല് ജാഗ്രത പുലര്ത്തണമെന്നും നിര്ദേശിച്ചു.