മസ്കത്ത്: ഒമാനില് 905 പേര്ക്ക് കൂടി പുതിയതായി രോഗം സ്ഥിരീകരിച്ചു. ഇതോടെ രാജ്യത്ത് രോഗബാധിതരുടെ ആകെ എണ്ണം 1,23,484 ആയി. അതേസമയം 27 പേര് കൂടി കോവിഡ് ബാധിച്ച് മരിച്ചതായി ആരോഗ്യ മന്ത്രാലയം അറിയിച്ചു. ദേശിയ ദിന അവധിക്ക് പുറമെ വാരാന്ത്യ ദിവസങ്ങളിലെ കൂടി കണക്കുകള് ഒരുമിച്ചാണ് ഞായറാഴ്ച ആരോഗ്യ മന്ത്രാലയം പുറത്തുവിട്ടത്.
രാജ്യത്ത് 1418 പേരാണ് കോവിഡ് ബാധിച്ച് മരിച്ചത്. 1107 പേര്ക്ക് കൂടി രോഗം ഭേദമായിട്ടുണ്ട്. ഇതുവരെ 1,14,963 പേരാണ് രോഗമുക്തി നേടിയത്. കഴിഞ്ഞ 24 മണിക്കൂറിനിടെ 21 പേരെയാണ് ആശുപത്രികളില് പ്രവേശിപ്പിച്ചത്. ഇപ്പോള് 218 പേരാണ് ആശുപത്രികളില് ചികിത്സയില് കഴിയുന്നത്.