വാഷിംഗ്ടണ്‍ ഡിസി: അമേരിക്കയിലെ കോവിഡ് ബാധിതരുടെയും കോവിഡ് മരണങ്ങളുടെയും എണ്ണത്തില്‍ യാതൊരു കുറവുമില്ല. കഴിഞ്ഞ 24 മണിക്കൂറിനിടെ ഒരു ലക്ഷത്തിലേറെപ്പേര്‍ക്കാണ് രാജ്യത്ത് കോവിഡ് ബാധിച്ചത്. 141,712 പേര്‍ക്കാണ് പുതിയതായി കോവിഡ് ബാധിച്ചതെന്ന് ഒൗദ്യോഗിക കണക്കുകള്‍ വ്യക്തമാക്കുന്നു.
ഇതേസമയത്ത്, 1,216 പേര്‍ വൈറസ് ബാധിച്ച്‌ മരണത്തിനു കീഴടങ്ങിയെന്നും ജോണ്‍സ് ഹോപ്കിന്‍സ് സര്‍വകലാശാലയും വേള്‍ഡോ മീറ്ററും പുറത്തുവിട്ട കണക്കുകള്‍ വ്യക്തമാക്കുന്നുണ്ട്. രാജ്യത്ത് ഇതുവരെ 13,608,696 പേര്‍ക്ക് രോഗം ബാധിച്ചുവെന്നും 272,254 പേര്‍ മരണപ്പെട്ടുവെന്നുമാണ് ഒൗദ്യോഗിക വിവരം. 8,041,238 പേരാണ് രാജ്യത്ത് ഇതുവരെ കോവിഡ് മുക്തി നേടിയത്. 5,295,204 പേര്‍ നിലവില്‍ കോവിഡ് ബാധിതരായി ചികിത്സയിലുണ്ടെന്നും അധികൃതര്‍ വ്യക്തമാക്കി.
ടെക്സസ്, കലിഫോര്‍ണിയ, ഫ്ളോറിഡ, ഇല്ലിനോയിസ്, ന്യൂയോര്‍ക്ക്, ജോര്‍ജിയ, ഒഹിയോ, വിസ്കോസിന്‍, മിഷിഗണ്‍, ടെന്നിസി എന്നീ സംസ്ഥാനങ്ങളാണ് രാജ്യത്ത് കോവിഡ് ബാധിതരുടെ എണ്ണത്തില്‍ മുന്നിലുള്ള പത്ത് സംസ്ഥാനങ്ങള്‍.
