തിരുവനന്തപുരം: ആദ്യഘട്ട തദ്ദേശ തെരഞ്ഞെടുപ്പില് കോവിഡ് ബാധിതര്ക്കും ക്വാറന്റീനിലുള്ളവര്ക്കും സ്പെഷല് തപാല് വോട്ട് അനുവദിക്കുന്നതിനുള്ള പട്ടിക (സര്ട്ടിഫൈഡ് ലിസ്റ്റ്) നവംബര് 29 മുതല് തയാറാക്കുമെന്ന് സംസ്ഥാന തെരഞ്ഞെടുപ്പ് കമീഷണര് വി. ഭാസ്കരന് അറിയിച്ചു.
മറ്റ് ജില്ലകളില് കഴിയുന്ന കോവിഡ് ബാധിതര്ക്കും ക്വാറന്റീനിലുള്ളവര്ക്കും സ്പെഷല് തപാല് വോട്ട് അനുവദിക്കും. ഡിസംബര് എട്ടിന് തെരഞ്ഞെടുപ്പ് നടക്കുന്ന തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളില് നവംബര് 29ന് തന്നെ ആദ്യ സര്ട്ടിഫൈഡ് ലിസ്റ്റ് ഡെസിഗ്നേറ്റഡ് ഹെല്ത്ത് ഓഫിസര് തയാറാക്കി ജില്ല തെരഞ്ഞെടുപ്പ് ഉദ്യോഗസ്ഥന് കൈമാറണം.
കൂടാതെ, നവംബര് 30 മുതല് ഡിസംബര് ഏഴിന് വൈകുന്നേരം മൂന്നുവരെയുള്ള ദിവസങ്ങളിലെ സര്ട്ടിഫൈഡ് ലിസ്റ്റും അതത് ദിവസങ്ങളില് കൈമാറേണ്ടതാണ്. ഡിസംബര് എട്ടിന് വോട്ടെടുപ്പ് നടക്കുന്ന ജില്ലകളില്നിന്നുള്ളവര് ഉള്പ്പെടുന്ന ആദ്യ സര്ട്ടിഫൈഡ് ലിസ്റ്റ് കോട്ടയം, എറണാകുളം, തൃശൂര്, പാലക്കാട്, വയനാട്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലെ ഡെസിഗ്നേറ്റഡ് ഹെല്ത്ത് ഓഫിസര്മാര് 29ന് തയാറാക്കണം. തുടര്ന്ന്, ഡിസംബര് ഏഴുവരെ തീയതികളില് കോവിഡ് പോസിറ്റിവായവരുടെയും ക്വാറന്റീനില് ഉള്ളവരുടെയും ലിസ്റ്റും തയാറാക്കണം.
അത്തരത്തിലുള്ള ഒമ്പത് ജില്ലകളിലെ ജില്ല തെരഞ്ഞെടുപ്പ് ഉദ്യോഗസ്ഥര് അവര്ക്ക് ലഭിക്കുന്ന സര്ട്ടിഫൈഡ് ലിസ്റ്റുകള് ആദ്യഘട്ട തെരഞ്ഞെടുപ്പ് നടക്കുന്ന അഞ്ച് ജില്ലകളിലെ ജില്ല തെരഞ്ഞെടുപ്പ് ഉദ്യോഗസ്ഥര്ക്ക് അതേ ദിവസംതന്നെ അറിയിക്കേണ്ടതാണ്. തെരഞ്ഞെടുപ്പിെന്റ ഓരോ ഘട്ടത്തിലും മറ്റ് ജില്ലകളില് കഴിയുന്ന സ്പെഷല് വോട്ടര്മാര് ഉള്പ്പെടുന്ന സര്ട്ടിഫൈഡ് ലിസ്റ്റ് തെരഞ്ഞെടുപ്പിന് 10 ദിവസം മുമ്ബ് മുതല് അതത് ദിവസം ഡെസിഗ്നേറ്റഡ് ഹെല്ത്ത് ഓഫിസര് തയാറാക്കി ജില്ല തെരഞ്ഞെടുപ്പ് ഉദ്യോഗസ്ഥന് കൈമാറണം. ഈ പട്ടിക സ്പെഷല് വോട്ടറുള്പ്പെടുന്ന ജില്ലയിലെ തെരഞ്ഞെടുപ്പ് ഉദ്യോഗസസ്ഥന് അതത് ദിവസം തന്നെ നല്കണം.
ജില്ല തെരഞ്ഞെടുപ്പ് ഉദ്യോഗസ്ഥന് നല്കുന്ന പട്ടികയിലുള്ള മറ്റ് ജില്ലകളില് രജിസ്റ്റര് ചെയ്ത വോട്ടര്മാര്ക്കുള്ള പോസ്റ്റല് ബാലറ്റ് അതത് തദ്ദേശ സ്ഥാപനങ്ങളിലെ വരണാധികാരികള് അയച്ചു കൊടുക്കും.
വോട്ടര് പട്ടികയുമായി ബന്ധപ്പെടുത്തി പരിശോധിച്ച ശേഷമായിരിക്കും പോസ്റ്റല് ബാലറ്റ് അനുവദിക്കുക. വോട്ട് രേഖപ്പെടുത്തിയതിനുശേഷം രജിസ്േട്രഡ് പോസ്റ്റ് മുഖേനയോ ആള്വശമോ ബാലറ്റ് പേപ്പറും സത്യപ്രസ്താവനയുമടങ്ങിയ കവര് വാര്ഡിലെ വോട്ടെണ്ണല് ആരംഭിക്കുന്നതിന് നിശ്ചയിച്ചിട്ടുള്ള സമയത്തിന് മുമ്ബ് വരണാധികാരിക്ക് ലഭിക്കത്തക്കവിധം തിരികെ നല്കേണ്ടതാണ്.
ഡിസംബര് 10ന് തെരഞ്ഞെടുപ്പ് നടക്കുന്ന കോട്ടയം, എറണാകുളം, തൃശൂര്, പാലക്കാട്, വയനാട് ജില്ലകളില് ഡിസംബര് ഒന്നിനു തന്നെ ആദ്യ സര്ട്ടിഫൈഡ് ലിസ്റ്റ് ഡെസിഗ്നേറ്റഡ് ഹെല്ത്ത് ഓഫിസര് തയാറാക്കി ജില്ല തെരഞ്ഞെടുപ്പ് ഉദ്യോഗസ്ഥന് കൈമാറേണ്ടതാണ്. ഡിസംബര് രണ്ട് മുതല് ഡിസംബര് ഒമ്ബതിന് വൈകീട്ട് മൂന്ന് വരെയുള്ള സര്ട്ടിഫൈഡ് ലിസ്റ്റും അതത് ദിവസങ്ങളില് കൈമാറേണ്ടതാണ്.
ഡിസംബര് 14ന് തെരഞ്ഞെടുപ്പ് നടക്കുന്ന മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് ഡിസംബര് അഞ്ചിനു തന്നെ ആദ്യ സര്ട്ടിഫൈഡ് ലിസ്റ്റ് ഡെസിഗ്നേറ്റഡ് ഹെല്ത്ത് ഓഫിസര് ജില്ല തെരഞ്ഞെടുപ്പ് ഉദ്യോഗസ്ഥന് കൈമാറണം. ഡിസംബര് ആറു മുതല് 13ന് വൈകീട്ട് മൂന്നു വരെയുള്ള സര്ട്ടിഫൈഡ് ലിസ്റ്റും അതത് ദിവസങ്ങളില് കൈമാറേണ്ടതാണ്.