വാഷിംഗ്ടണ്‍ ഡിസി : ലോകത്ത് കോവിഡ് ബാധയെ തുടര്‍ന്ന് മരണത്തിന് കീഴടങ്ങിയവരുടെ എണ്ണം 14.25 ലക്ഷവും പിന്നിട്ടു . ലോകത്ത് ഇതുവരെ 1,425,843 പേരാണ് കോവിഡ് ബാധിച്ച്‌ മരിച്ചതെന്ന് കണക്കുകള്‍ വ്യക്തമാക്കുന്നു . കഴിഞ്ഞ 24 മണിക്കൂറിനിടെ 11,981 പേരാണ് കോവിഡ് ബാധിച്ച്‌ മരിച്ചത്.
പുതിയതായി 605,568 പേര്‍ക്ക് വൈറസ് ബാധിച്ചതോടെ ആകെ കോവിഡ് ബാധിതരുടെ എണ്ണം 60,701,013 ആയി ഉയര്‍ന്നു. 42,017,703 പേര്‍ രോഗമുക്തി നേടുകയും ചെയ്തു.
17,257,467 പേരാണ് കോവിഡ് ബാധിതരായി ഇപ്പോഴും ചികിത്സയില്‍ കഴിയുന്നത് . ഇതില്‍ 103,894 പേരുടെ നില അതീവ ഗുരുതരമാണെന്നാണ് റിപ്പോര്‍ട്ട്. ഗുരുതരാവസ്ഥയിലുള്ളവരെ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്.
