ചെന്നൈ: നിവാര് ചുഴലിക്കാറ്റ് ഇന്ന് വൈകിട്ടോടെ തമിഴ്നാട് തീരം തൊടും. മണിക്കൂറില് 120 കിലോമീറ്റര് വരെ വേഗതയില് കാറ്റ് വീശാന് സാധ്യതയുണ്ട്. തമിഴ്നാട്,പുതുച്ചേരി,ആന്ധ്ര തീരങ്ങളില് അതീവ ജാഗ്രത തുടരുന്നു. ചെന്നൈ ഉള്പ്പെടെ തമിഴ്നാട്ടിലെ ഏഴ് ജില്ലകളില് കനത്ത മഴ തുടരുകയാണ്.
നിരവധി ട്രെയിന് – വിമാന സര്വീസുകള് റദ്ദാക്കി. തമിഴ്നാട്ടില് ഇന്ന് പൊതു അവധി നല്കിയിരിക്കുയാണ്. പുതുച്ചേരിയില് നാളെ വരെ നിരോധനാജ്ഞയാണ്. തീര മേഖലകളില് നിന്ന് പരമാവധി ആളുകളെ മാറ്റിപ്പാര്പ്പിച്ചു.
ദേശീയ ദുരന്ത നിവാരണ സേന, നേവി, കോസ്റ്റ് ഗാര്ഡ് സേനാംഗങ്ങളേയും ദുരന്ത സാധ്യത മേഖലകളില് വിന്യസിച്ചു. ആശങ്ക വേണ്ടെന്നും എല്ലാ മുന്നൊരുക്കങ്ങളും നടത്തിയിട്ടുണ്ടെന്നും സര്ക്കാര് അറിയിച്ചു.
വടക്കന് തമിഴ്നാട്ടിലെ കടലോര ജില്ലകളില് ക്യാമ്ബുകള് തുറന്നു. തീരമേഖലയില് നിന്ന് ആളുകളെ മാറ്റിപാര്പ്പിച്ചു. ഭക്ഷണവും കുടിവെള്ളവും ഉറപ്പ് വരുത്തിയെന്ന് സര്ക്കാര് അറിയിച്ചു.
ദേശീയ ദുരന്ത നിവാരണ സേനയെ കൂടുതല് അംഗങ്ങളെ തീരമേഖലയില് വിന്യസിച്ചു. ജില്ലാ ഭരണകൂടത്തിന്്റെ നിര്ദേശങ്ങള് ജനം കര്ശനമായി പാലിക്കണമെന്ന് സര്ക്കാര് മുന്നറിയിപ്പ് നല്കി.