ഡല്‍ഹിയില്‍ കോവിഡ് വ്യാപനം രൂക്ഷം. കഴിഞ്ഞ 24 മണിക്കൂറില്‍ രാജ്യത്താകെ 511 കോവിഡ് മരണങ്ങളാണ് റിപ്പോര്‍ട്ട് ചെയ്തത്. ഇതില്‍ ഏറ്റവും കൂടുതല്‍ ഡല്‍ഹിയിലാണ് റിപ്പോര്‍ട്ട് ചെയ്തത്. ഡല്‍ഹിയില്‍ കോവിഡ് ബാധിച്ച്‌ കഴിഞ്ഞ 24 മണിക്കൂറില്‍ 121 പേരാണ് മരിച്ചത്.ഇതോടെ ആകെ മരണം 8,391 ആയി ഉയര്‍ന്നു. കഴിഞ്ഞ 11 ദിവസത്തിനുള്ളില്‍ മരണ സംഖ്യ നൂറുകടക്കുന്നത് ഇത് അഞ്ചാം തവണയാണ്.
ഞായറാഴ്ച ഡല്‍ഹിയില്‍ 6,746 പുതിയ കേസുകളാണ് റിപ്പോര്‍ട്ട് ചെയ്തത്. ടെസ്റ്റ് പോസിറ്റിവിറ്റി നിരക്ക് 12.29 ആണ്. 23,433 ആര്‍ടി-പിസിആര്‍ പരിശോധനകള്‍ ഉള്‍പ്പെടെ സംസ്ഥാനത്ത് കഴിഞ്ഞ 24 മണിക്കൂറില്‍ 54,893 പരിശോധനകളാണ് നടത്തിയത്.
