കേന്ദ്ര ഏജന്സികള്ക്കെതിരെ ആഞ്ഞടിച്ച് സിപിഐ(എം) ജനറല് സെക്രട്ടറി സീതാറാം യെച്ചൂരി. കേരള സര്ക്കാരിനെ അസ്ഥിരപ്പെടുത്താന് കേന്ദ്ര ഏജന്സികള് ശ്രമിക്കുകയാണെന്നും ഏജന്സികളെ കേന്ദ്രം സര്ക്കാരിനെതിരെ ഉപയോഗിക്കുകയാണെന്നും സീതാറാം യെച്ചൂരി ആരോപിച്ചു.
എം. ശിവശങ്കറിനെതിരെ ആരോപണം ഉയര്ന്നപ്പോള് ഉടന് തന്നെ നടപടി സ്വീകരിച്ചിരുന്നു. ബിനീഷ് കോടിയേരി പാര്ട്ടിയില് അംഗമല്ല. ബിനീഷിന്റെ അറസ്റ്റില് പാര്ട്ടിക്ക് ധാര്മിക ഉത്തരവാദിത്തമില്ല. നിലപാട് കോടിയേരി ബാലകൃഷ്ണന് വ്യക്തമാക്കിയതാണ്. ഇതിന്റെ പേരില് കോടിയേരി രാജിവയ്ക്കേണ്ട ആവശ്യം നിലനില്ക്കുന്നില്ലെന്ന് സീതാറാം യെച്ചൂരി വ്യക്തമാക്കി.