ബഹ്റൈനില് പ്രവാസി വനിതയില്‍ നിന്ന് 12 സ്വദേശികള്‍ക്ക് കൊവിഡ് ബാധിച്ചു. ആരോഗ്യ മന്ത്രാലയമാണ് ഈ വിവരം അറിയിച്ചത്. 29 വയസ്സുള്ള സ്ത്രീയില്‍ നിന്നാണ് 12 ബഹ്‌റൈന്‍ സ്വദേശികള്‍ക്ക് രോഗം പകര്‍ന്നത്. ഇവരില്‍ 11 പേരും പ്രവാസി സ്ത്രീയുമായി നേരിട്ട് സമ്പര്‍ക്കം പുലര്‍ത്തിയവരാണ്.
അതേസമയം ബഹ്റൈനില് 257 പേര്‍ക്കുകൂടി കോവിഡ് സ്ഥിരീകരിച്ചു. ഇവരില്‍ 88 പേര്‍ പ്രവാസികളാണ്. 160 പേര്‍ക്ക് സമ്പര്‍ക്കത്തിലൂടെയും ഒമ്ബത് പേര്‍ക്ക് യാത്രയിലൂടെയുമാണ് രോഗം പകര്‍ന്നത്. പുതുതായി 276 പേര്‍ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. ഇതോടെ, രാജ്യത്ത് രോഗമുക്തി നേടിയവരുടെ എണ്ണം 77697 ആയി ഉയര്‍ന്നു.
