ഇൻഫോപാർക്കിന് സമീപം മൃതദേഹം കണ്ടെത്തിയ സംഭവത്തിൽ 4 പേർ അറസ്റ്റിൽ. കൊല്ലം സ്വദേശി ദിവാകരൻ നായരുടെ കൊലപാതത്തിൽ ബന്ധുവും ഒരു സ്ത്രീയും ഉൾപ്പെടെ അഞ്ച് പ്രതികളാണ് നിലവിലുള്ളത്.

പൊൻകുന്നം സ്വദേശിയും കൊല്ലപ്പെട്ട ദിവാകരൻ നായരുടെ ബന്ധുവുമായ അനിൽകുമാർ, രാജേഷ്, അകലക്കുന്നു സ്വദേശി സജീവ്, കൊല്ലം സ്വദേശിനി ഷാനിബ എന്നിവരെയാണ് ഇൻഫോപാർക്ക് പൊലീസ് അറസ്റ്റ് ചെയ്തത്. എറണാകുളത്തെത്തിയ ദിവാകരൻ നായരെ പിന്തുടർന്ന വാഹനം കേന്ദ്രീകരിച്ചുള്ള അന്വേഷണമാണ് പ്രതികളെ കണ്ടെത്തുന്നതിൽ നിർണായകമായത്. വാഹനം ഓടിച്ചിരുന്ന ഡ്രൈവർ അനൂപിനായി അന്വേഷണം ഊർജിതമാക്കിയിട്ടുണ്ട്.