കരിപ്പൂര്: കോഴിക്കോട് വിമാനത്താവളത്തില്നിന്ന് ടേക് ഒാഫ് ചെയ്ത വിമാനം സാേങ്കതിക തകരാറിനെ തുടര്ന്ന് തിരിച്ചിറക്കി. 7000 അടിയോളം ഉയരത്തില് എത്തിയ ശേഷമാണ് കാബിനില് മര്ദം കുറവായതിനെ തുടര്ന്ന് തിരിച്ചിറക്കേണ്ടി വന്നത്.
വിമാനത്തില് അഞ്ച് കുട്ടികള് ഉള്പ്പെടെ 166 പേരാണ് യാത്രക്കാരായി ഉണ്ടായിരുന്നത്. നാല് ജീവനക്കാരുമുണ്ടായിരുന്നു.
വ്യാഴാഴ്ച പുലര്ച്ച 3.15ന് കരിപ്പൂരില്നിന്ന് ഷാര്ജയിലേക്ക് പുറപ്പെട്ട എയര് അറേബ്യ വിമാനത്തിനാണ് സാേങ്കതിക തകരാര് ഉണ്ടായത്. യാത്ര ആരംഭിച്ച 20 മിനിറ്റിന് ശേഷമാണ് വായുമര്ദം കുറഞ്ഞതായി പൈലറ്റിന് മനസ്സിലായത്. യാത്രക്കാര്ക്ക് പ്രയാസങ്ങളൊന്നും അനുഭവപ്പെട്ടിരുന്നില്ല.
4.15നാണ് വിമാനം കരിപ്പൂരില് തിരിച്ചെത്തിയത്. പിന്നീട് തകരാര് പരിഹരിച്ച ശേഷം 7.25ന് വീണ്ടും യാത്ര ആരംഭിച്ചു.