തിരുവനന്തപുരം: സ്വാശ്രയ കോളജുകള്ക്ക് നിയന്ത്രണ സംവിധാനം കൊണ്ടുവരാന് നിയമ നിര്മാണം വേണമെന്ന് ഉന്നത വിദ്യാഭ്യാസ കൗണ്സില് നിയോഗിച്ച വിദഗ്ധ സമിതി. സ്വാശ്രയ സ്ഥാപനങ്ങളുടെ അനിയന്ത്രിതമായ വളര്ച്ച ഉന്നത വിദ്യാഭ്യാസത്തിെന്റ ഗുണനിലവാരത്തിനും തുല്യതക്കും ഭീഷണി ഉയര്ത്തുന്ന സാഹചര്യത്തില് സംരംഭകരെ നിയന്ത്രിക്കാനും ഗുണനിലവാരം ഉയര്ത്താനും നിയമം വേണമെന്നാണ് മുന് ആസൂത്രണ ബോര്ഡ് ഉപാധ്യക്ഷന് പ്രഫ. പ്രഭാത് പട്നായക് അധ്യക്ഷനായ സമിതി സര്ക്കാറിന് സമര്പ്പിച്ച കരട് റിപ്പോര്ട്ടിലെ ശിപാര്ശ. സ്വകാര്യ സര്വകലാശാലകളുടെയും ഒാഫ് കാമ്ബസ് സെന്ററുകളുടെയും രഹസ്യപ്രവര്ത്തനം നിരീക്ഷിക്കാന് സംവിധാനം വേണമെന്നും റിപ്പോര്ട്ടില് പറയുന്നു.
സ്വകാര്യ സ്വാശ്രയ സ്ഥാപനങ്ങള് പുതിയ വിദ്യാഭ്യാസ നയത്തിെന്റ പശ്ചാത്തലത്തില് സ്വകാര്യ സര്വകലാശാലകളായി ഉയര്ത്തപ്പെടാന് സാധ്യതയുണ്ട്. ഇത് വിദ്യാഭ്യാസത്തിെന്റ സമ്ബൂര്ണ വാണിജ്യവത്കരണത്തിേലക്ക് നയിക്കും.
സ്വാശ്രയ സ്ഥാപനങ്ങളുടെ ഫീസും മറ്റ് പ്രവര്ത്തനങ്ങളും നിയന്ത്രിക്കുന്നതിനുള്ള കേന്ദ്ര നിയമനിര്മാണം സംസ്ഥാന സര്ക്കാറുകളുമായും വിദ്യാഭ്യാസത്തിെന്റ കേന്ദ്ര ഉപദേശക സമിതിയുമായും കൂടിയാലോചിച്ച് നടപ്പാക്കണം. പ്രഫ. കുങ്കും റോയ് (ജെ.എന്.യു), പ്രഫ. ഗംഗന് പ്രതാഭ് (കുസാറ്റ് മുന് വി.സി), പ്രഫ. രാജന് ഗുരുക്കള് (ഉന്നത വിദ്യാഭ്യാസ കൗണ്സില് വൈസ്ചെയര്മാന്), പ്രഫ. എന്.വി വര്ഗീസ് (വൈസ്ചാന്സലര്, നാഷനല് ഇന്സ്റ്റിറ്റ്യൂട്ട് ഒാഫ് എജുക്കേഷനല് പ്ലാനിങ് ആന്ഡ് അഡ്മിനിസ്ട്രേഷന്), കവി പ്രഫ. കെ. സച്ചിദാനന്ദന് എന്നിവരാണ് സമിതിയിലെ മറ്റംഗങ്ങള്.
ശിപാര്ശയില്നിന്ന്…
സ്വാശ്രയ കോളജുകളുടെ അനിയന്ത്രിത വളര്ച്ച ഉന്നതവിദ്യാഭ്യാസത്തിലെ ഗുണനിലവാരത്തിനും തുല്യതക്കും കടുത്ത ഭീഷണിയാണ്. ഇൗ രംഗത്ത് സര്ക്കാര്/സര്വകലാശാല നിയന്ത്രണ സംവിധാനം അപര്യാപ്തമാണ്. ലാഭം മാത്രം ലക്ഷ്യമിട്ട് പണമിറക്കുന്ന നവയുഗ വിദ്യാഭ്യാസ സംരംഭകരെ നിയന്ത്രിക്കാന് സംവിധാനം വേണം.
സ്വാശ്രയ കോളജ് അധ്യാപകര്ക്ക് സര്വകലാശാലയുടെ നിയമനാംഗീകാരം നിര്ബന്ധമാക്കണം. യു.ജി.സി റെഗുലേഷന് 2012 അനുശാസിക്കുന്ന വിലയിരുത്തലും അക്രഡിറ്റേഷനും എല്ലാ ഉന്നത വിദ്യാഭ്യാസ സ്ഥാപനങ്ങള്ക്കും നടപ്പാക്കണം.