ദുബൈ: കോവിഡ്-19 സുരക്ഷ നടപടികളും മറ്റ് സാങ്കേതിക ആവശ്യങ്ങളും ഉറപ്പുവരുത്തുന്നതിനായി ദുബൈ റോഡ് ട്രാന്സ്പോര്ട്ട് അതോറിറ്റി (ആര്.ടി.എ) 1,011 സ്കൂള് ബസുകള് പരിശോധിച്ചു. 111 സ്കൂളുകളിലായി സര്വിസ് നടത്തുന്ന ബസുകളാണ് പരിശോധിച്ചത്. സുരക്ഷ മാനദണ്ഡം പാലിക്കാത്ത 56 ബസുകള് കണ്ടെത്തി.
സാമൂഹിക അകലം പാലിക്കാതെയുള്ള സീറ്റ് ക്രമീകരണം, ആര്.ടി.എ സാങ്കേതിക വ്യവസ്ഥ പാലിക്കാതെ ബസിനകത്തും പുറത്തുമുള്ള ഇന്റീരിയര് ഡിസൈന് എന്നിവയാണ് കണ്ടെത്തിയത്. വിദ്യാര്ഥികളെ എടുക്കുന്ന സമയത്തും ഇറക്കുന്ന അവസരത്തിലും ഡ്രൈവര്മാര് സ്റ്റോപ്പ് ആം പ്രവര്ത്തിപ്പിക്കുന്നില്ലെന്നും നിയുക്ത സ്ഥലത്ത് പെര്മിറ്റ് പ്രദര്ശിപ്പിക്കാതെ സര്വിസ് നടത്തുന്നതായും ശ്രദ്ധയില് പെട്ടതായി ആര്.ടി.എ അധികൃതര് അറിയിച്ചു.