കുവൈറ്റ് സിറ്റി: കുവൈറ്റില് ഞായറാഴ്ച 708 പേര്ക്ക് കോവിഡ് സ്ഥിരീകരിച്ചു. ഇതോടെ കൊറോണ വൈറസ് ബാധയേറ്റവരുടെ എണ്ണം 1,21,635 ആയി.
കോവിഡ് ചികിത്സയിലായിരുന്ന രണ്ട് പേര് കൂടി ഇന്ന് മരണമടഞ്ഞതോടെ രാജ്യത്ത് കൊറോണ വൈറസ് ബാധിച്ച് മരിച്ചവരുടെ എണ്ണം 746 ആയി ഉയര്ന്നു. ഇന്ന് 661 പേരാണു രോഗ മുക്തരായത്. 1,12,771 പേരാണ് ഇതുവരെ രാജ്യത്ത് കോവിഡ് മുക്തരായത്.
രാജ്യത്തിന്റെ വിവിധ ഭാഗങ്ങളിലായി 5,496 പരിശോധനകളാണ് നടന്നത്. ഇതോടെ ആകെ പരിശോധന നടത്തിയവരുടെ എണ്ണം 8,76,250 ആയി. 8,118 പേരാണു നിലവില് ചികിത്സയില് കഴിയുന്നതായും 121 പേര് തീവ്ര പരിചരണത്തില് കഴിയുന്നതായും ആരോഗ്യ മന്ത്രാലയം അറിയിച്ചു.