െഎ.പി.എല്‍ പോയിന്‍റ് ടേബിളില്‍ ഡല്‍ഹി കാപിറ്റല്‍സിന് കൊല്‍ക്കത്ത നൈറ്റ് റൈഡേഴ്സിെന്‍റ ഷോക്ക് ട്രീറ്റ്മെന്‍റ്. കൊല്‍ക്കത്ത മുന്നോട്ടുവെച്ച 195 റണ്‍സ് വിജയലക്ഷ്യം പിന്തുടര്‍ന്ന ഡല്‍ഹി കാപിറ്റല്‍സിന് 20 ഒാവറില്‍ നേടാനായത് വെറും 135 റണ്‍സ് മാത്രം. ഒമ്പത് വിക്കറ്റുകളും അവര്‍ക്ക് നഷ്ടമായി.
ഐപിഎല്‍ 13-ാം സീസണിലെ ആദ്യ അ‍ഞ്ച് വിക്കറ്റ് നേട്ടം സ്വന്തമാക്കിയ സ്പിന്നര്‍ വരുണ്‍ ചക്രവര്‍ത്തിയായിരുന്നു ഡല്‍ഹിയുടെ ചീട്ട് കീറിയത്. നാല് ഒാവര്‍ എറിഞ്ഞ വരുണ്‍ 20 റണ്‍സ് മാത്രമാണ് വിട്ടുകൊടുത്തത്. പാറ്റ് കമിന്‍സ് നാല് ഓവറില്‍ 17 റണ്‍സ് വഴങ്ങി മൂന്നു വിക്കറ്റ് പിഴുതു. 38 പന്തില്‍ 47 റണ്‍സെടുത്ത ശ്രേയസ് അയ്യര്‍ മാത്രമാണ് ഡല്‍ഹിക്ക് വേണ്ടി അല്‍പ്പമെങ്കിലും ചെറുത്തുനില്‍പ്പ് നടത്തിയത്. റിഷഭ് പന്ത് 33 പന്തില്‍ 27 റണ്‍സെടുത്തു. അവശേഷിച്ച എല്ലാവരും തീര്‍ത്തും നിരാശ സമ്മാനിക്കുന്ന പ്രകടനമായിരുന്നു.
സുനില്‍ നരെയ്നും നിതീഷ് റാണയും വെടിക്കെട്ട് ബാറ്റിങ് പുറത്തെടുത്തതോടെയാണ് കെ.കെ.ആറിെന്‍റ സ്കോര്‍ 200ന് അടുത്തെത്തിയത്. മൂന്നിന് 42 എന്ന പരിതാപകരമായ നിലയിലായിരുന്ന ടീമിനെ നാലാം വിക്കറ്റില്‍ നരെയ്നും റാണയും ഒത്തുചേര്‍ന്ന് 157 റണ്‍സിലെത്തിച്ചു. നരെയ്ന്‍ 32 പന്തില്‍ 64 റണ്‍സെടുത്തു. 4 സിക്‌സും 6 ഫോറും അടങ്ങുന്നതായിരുന്നു വിന്‍ഡീസ് താരത്തിെന്‍റ ഇന്നിങ്‌സ്. നിതീഷ് റാണ 53 പന്തില്‍ 81 റണ്‍സെടുത്തു. 1 സിക്‌സിെന്‍റയും 13 ബൗണ്ടറികളുടെയും അകമ്പടിയോടെയായിരുന്നു റാണയുടെ താണ്ഡവം.
