കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസില്‍ വിചാരണ നിര്‍ത്തിവയ്ക്കണമെന്ന് ആവശ്യപ്പെട്ട് പ്രോസിക്യൂഷന്‍ നല്‍കിയ ഹര്‍ജി കോടതി തള്ളി. വിചാരണ കോടതിയായ എറണാകുളം അഡീഷണല്‍ സെഷന്‍സ് കോടതിയാണ് ഹര്‍ജി തള്ളിയത്.
ഹൈക്കോടതിയെ സമീപിക്കുന്നതുവരെ വിചാരണ നടപടി നിര്‍ത്തിവയ്ക്കണമെന്ന് ആവശ്യപ്പെട്ടാണ് പ്രോസിക്യുഷന്‍ ഹര്‍ജി നല്‍കിയത്. കോടതി പക്ഷപാതപരമായി പെരുമാറുന്നു എന്നായിരുന്നു പ്രോസിക്യൂഷന്‍റെ ആരോപണം.
കഴിഞ്ഞ ദിവസം വിചാരണ താല്‍ക്കാലികമായി നിര്‍ത്തിവച്ച കോടതി പ്രോസിക്യൂഷന്‍റെ ആവശ്യം അംഗീകരിക്കാനാവില്ലെന്ന് വ്യക്തമാക്കി ഹര്‍ജി തള്ളുകയായിരുന്നു. കേസില്‍ നവംബര്‍ മൂന്നിന് വിചാരണ നടപടികള്‍ തുടരും.
വിചാരണ നിര്‍ത്തിവയ്ക്കരുതെന്ന് ആവശ്യപ്പെട്ട് നടന്‍ ദിലീപും കോടതിയില്‍ ഹര്‍ജി നല്‍കിയിട്ടുണ്ട്.
