മുംബൈ: ആവശ്യത്തിനുള്ള തൊഴിലവസരങ്ങള് സൃഷ്ടിച്ചില്ലെങ്കില് യുവാക്കള് തെരുവിലേക്കിറങ്ങുമെന്ന് മുന്നറിയിപ്പുമായി റിസര്വ് ബാങ്ക് മുന് ഗവര്ണര് രഘുറാം രാജന്. എസ്പി ജെയ്ന് ഇന്സ്റ്റിറ്റ്യൂട്ട് ഓഫ് മാനേജ്മെന്റ് ആന്ഡ് റിസേര്ച്ചിലെ സാമ്പത്തിക പഠന വകുപ്പിന്റെ വെബിനാറില് പങ്കെടുത്ത് സംസാരിക്കുകയായിരുന്നു അദ്ദേഹം.
‘തൊഴിലില്ലായ്മയില് നിന്നും കുറച്ചുകാലത്തേക്ക് യുവാക്കളുടെ ശ്രദ്ധ തിരിക്കാം.എന്നാല് തൊഴിലവസരങ്ങള് സൃഷ്ടിച്ചില്ലെങ്കില് അവര് തെരുവിലേക്കിറങ്ങും. സമൂഹമാധ്യമങ്ങളിലൂടെ വ്യാജ വാര്ത്തകള് പ്രചരിപ്പിച്ച് വിഷയം മാറ്റാന് ശ്രമിക്കാം, പക്ഷേ അത് പരാജയപ്പെടുമെന്ന് രഘുറാം രാജന് പറഞ്ഞു.