തിരുവനന്തപുരം: ജില്ലയില് വ്യാഴാഴ്ച 838 പേര്ക്കു കൂടി കോവിഡ് 19 സ്ഥിരീകരിച്ചു. 909 പേര് രോഗമുക്തരായി. നിലവില് 9,176 പേരാണു രോഗം സ്ഥിരീകരിച്ചു ചികിത്സയില് കഴിയുന്നത്.
ജില്ലയില് അഞ്ചു പേരുടെ മരണം കോവിഡ് മൂലമാണെന്നു സ്ഥിരീകരിച്ചു. തിരുവനന്തപുരം കരമന സ്വദേശി ഹരിഹരന് (56), മുട്ടട സ്വദേശി കുട്ടപ്പന് (72),വെമ്പായം സ്വദേശി ശശിധരന് (70), മരുതൂര് സ്വദേശി നാസര് (56), ആറ്റിങ്ങല് സ്വദേശി അനില് (47) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്. ഇന്നു രോഗം സ്ഥിരീകരിച്ചവരില് 628 പേര്ക്കുസമ്പര്ക്കത്തിലൂടെയാണു രോഗബാധയുണ്ടായത്. ഇതില് 13 പേര് ആരോഗ്യ പ്രവര്ത്തകരാണ്.
രോഗലക്ഷണങ്ങളെത്തുടര്ന്നു ജില്ലയില് 2,100 പേരെക്കൂടി നിരീക്ഷണത്തിലാക്കി. ഇവരടക്കം ആകെ 25,339 പേര് വീടുകളിലും 166 പേര് സ്ഥാപനങ്ങളിലും ക്വാറന്റൈനില് കഴിയുന്നുണ്ട്. ഇവരില് 3,606 പേര് രോഗം സ്ഥിരീകരിച്ചവരാണ്. ഇന്നലെവരെ നിരീക്ഷണത്തിലുണ്ടായിരുന്ന 2,562 പേര് രോഗലക്ഷണങ്ങളില്ലാതെ നിരീക്ഷണകാലം പൂര്ത്തിയാക്കി.