ദമാം: സൗദിയില് 24 മണിക്കൂറിനിടെ കോവിഡ് ബാധിച്ച് 16 പേര് കൂടി മരിച്ചു. 385 പേര്ക്ക് കോവിഡ് സ്ഥിരീകരിച്ചു. 375 പേര് രോഗമുക്തി നേടുകയും ചെയ്തെന്ന് ആരോഗ്യ മന്ത്രാലയം അറിയിച്ചു
രോഗമുക്തിനേടിയവരെക്കാള്,പുതുതായി രോഗം സ്ഥിരീകരിച്ചവരുടെ എണ്ണത്തില് വര്ധനവാണ് ചൊവ്വാഴ്ച്ച രേഖപ്പെടുത്തിയത്. രാജ്യത്ത് ഇതുവരെ 3,42,968 പേര്ക്കാണ് രോഗം സ്ഥിരീകരിച്ചത്.
ഇവരില് 329,270 പേര് രോഗമുക്തി നേടി. കോവിഡ് ബാധിച്ച് മരിച്ചവരുടെ എണ്ണം 5,217 ആയി. 8,481 രോഗികളാണ് രാജ്യത്തെ വിവിധ ആശുപത്രികളില് ചികിത്സയില് കഴിയുന്നത്. ഇവരില് 840 പേരുടെ നില ഗുരുതരമാണെന്നും മന്ത്രാലയം പുറത്തിറക്കിയ പ്രസ്താവനയില് പറഞ്ഞു.