മലപ്പുറം ജില്ലയില് ഇന്ന് 910 പേര്ക്ക് കൊവിഡ് സ്ഥിരീകരിച്ചു. ഇന്നും സമ്പര്ക്കത്തിലൂടെയാണ് കൂടുതല് പേര്ക്കും രോഗബാധയുണ്ടായിരിക്കുന്നത്. 862 പേര്ക്കാണ് നേരിട്ടുള്ള സമ്പര്ക്കത്തിലൂടെ വൈറസ്ബാധ സ്ഥിരീകരിച്ചത്. 36 പേര് ഉറവിടമറിയാതെയും രോഗബാധിതരായി. എട്ട് ആരോഗ്യ പ്രവര്ത്തകര്ക്കും ഇന്ന് രോഗം സ്ഥിരീകരിച്ചിട്ടുണ്ട്.
വൈറസ്ബാധ സ്ഥിരീകരിച്ചവരില് ഒരാള് ഇതര സംസ്ഥാനത്ത് നിന്നെത്തിയതും മൂന്ന് പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. അതിനിടെ ഇന്ന് 298 പേരാണ് ജില്ലയില് വിദഗ്ധ ചികിത്സയ്ക്ക് ശേഷം രോഗമുക്തരായത്. 31,449 പേര് ഇതുവരെ കൊവിഡ് പ്രത്യേക ചികിത്സയ്ക്ക് ശേഷം രോഗം ഭേദമായി വീടുകളിലേക്ക് മടങ്ങി.