കൊച്ചി: സ്വര്‍ണക്കടത്ത് കേസുമായി ബന്ധപ്പെട്ട് കൊച്ചി രാജ്യാന്തര വിമാനത്താവളത്തില്‍ എന്‍ഐഎ പരിശോധന. ഐജി നിതീഷ് കുമാര്‍, ഡിഐജി വന്ദന, എസ്പി രാഹുല്‍ എന്നിവരുടെ നേതൃത്വത്തിലുള്ള സംഘമാണ് പരിശോധനയ്ക്കെ ത്തിയത്. വിമാനത്താവളത്തിലെ കസ്റ്റംസ് പരിശോധനാ സംവിധാനങ്ങളും കാര്‍ഗോ ടെര്‍മിനലി ലെ ക്രമീകരണങ്ങളും അന്വേഷണസംഘം പരിശോധിച്ചു.
വിമാനത്താവളത്തിലെ കസ്റ്റംസ് ഉദ്യോഗസ്ഥരുമായി സംഘം ചര്‍ച്ച നടത്തി. വിമാനത്താവളം വഴിയുള്ള സ്വര്‍ണക്കള്ളക്കടത്തിന്‍റെ സാധ്യതകള്‍ പരിശോധിക്കുകയായിരുന്നു മുഖ്യലക്ഷ്യമെന്ന് അറിയുന്നു. ഇന്നലെ ഉച്ചക്ക് ശേഷമായിരുന്നു പരിശോധന. കൊച്ചി വിമാനത്താവളം വഴിയും സ്വര്‍ണം കടത്തിയിരുന്നു എന്ന വിവരത്തിന്‍്റെ അടിസ്ഥാനത്തിലായിരുന്നു പരിശോധന. കസ്റ്റംസ് ഉദ്യോഗസ്ഥരുമായി വന്ദനയുടെ നേതൃത്വത്തിലുള്ള അന്വേഷണ സംഘം കൂടിക്കാഴ്ച നടത്തി.
