ന്യൂഡല്ഹി : രാജ്യത്ത് അണ്ലോക്ക് 3 ഇന്ന് മുതല് നിലവില് വന്നു. രാത്രി കര്ഫ്യൂ ഇന്നുമുതല് ഉണ്ടാകില്ല. കണ്ടെയ്ന്മെന്റ് സോണുകളില് ഈ മാസം 31 വരെ ലോക്ക്ഡൗണ് തുടരും. മെട്രോ ട്രെയിന് സര്വീസ് ഉണ്ടാകില്ല. വിദ്യാഭ്യാസ സ്ഥാപനങ്ങള് ആഗസ്റ്റ് 31 വരെ അടഞ്ഞുകിടക്കും. ഓഡിറ്റോറിയങ്ങളും സമ്മേളന ഹാളുകളും തുറക്കുന്നതില് തീരുമാനം പിന്നീടായിരിക്കും.
സിനിമാശാലകളും സ്വിമ്മിംഗ് പൂളുകളും പാര്ക്കുകളും തിയേറ്ററുകളും അടഞ്ഞുകിടക്കും. രാഷ്ട്രീയപരിപാടികള്ക്കും കായിക മത്സരങ്ങള്ക്കും വിനോദ പരിപാടികള്ക്കും മത-സാമുദായിക, സാംസ്കാരിക പരിപാടികള്ക്കുള്ള നിയന്ത്രണം തുടരും. രാജ്യാന്തര വിമാന സര്വീസുകള്ക്കുള്ള വിലക്കും തുടരും. വന്ദേഭാരത് ദൗത്യത്തിലൂടെ മാത്രം അന്താരാഷ്ട്രയാത്രകള് തുടരും. ജിംനേഷ്യങ്ങളും യോഗപഠനകേന്ദ്രങ്ങളും ആഗസ്റ്റ് 5 മുതല് തുറക്കാം. അണുനശീകരണം ഉള്പ്പടെ നടത്തി എല്ലാ നിര്ദേശങ്ങളും പാലിച്ച ശേഷമേ തുറക്കാനാകൂ.