ചെന്നൈ: കോവിഡ് ബാധിച്ച് മരിച്ചവരുടെ പ്രതിദിന കണക്കില് റെക്കോഡ് വര്ധനവ് രേഖപ്പെടുത്തി. കഴിഞ്ഞ 24 മണിക്കൂറിനിടെ സംസ്ഥാനത്ത് 97 പേരാണ് രോഗം ബാധിച്ച് മരിച്ചത്. ഇതോടെ ആകെ മരണസംഖ്യ 3,838 ആയി ഉയര്ന്നു.
ഇന്ന് 5,864 പേര്ക്കാണ് പുതുതായി രോഗബാധ കണ്ടെത്തിയത്. ഇതില് കേരളത്തില്നിന്നെത്തിയ ഒരാളും ഉള്പ്പെടും. സംസ്ഥാനത്തെ മൊത്തം രോഗബാധിതരുടെ എണ്ണം 2,39,978 ആയി. 24 മണിക്കൂറിനിടെ 61,202 സാമ്ബിളുകള് ആണ് പരിശോധിച്ചത്. ഇതുവരെ 25,97,862 സാമ്ബിളുകള് പരിശോധിച്ചു. ചെന്നൈയില് മാത്രം 24 മണിക്കൂറിനിടെ 1,175 പേര്ക്ക് രോഗബാധ ഉണ്ടായി. നഗരത്തില് മൊത്തം രോഗബാധിതരുടെ എണ്ണം 98,767 ആയി. ചെന്നൈയില് രോഗം മൂലം മരിച്ചത് 2,092 പേരാണ്.
വ്യാഴാഴ്ച സംസ്ഥാനത്തെ വിവിധ ആശുപത്രികളില്നിന്ന് 5,295 പേര് രോഗമുക്തി നേടി. രോഗം ഭേദമായി വിട്ടയച്ചവരുടെ മൊത്തം എണ്ണം 1,78,178 ആണ്. നിലവില് ചികിത്സയില് കഴിയുന്നവരുടെ എണ്ണം 57,962 ആണ്.