ഭോപ്പാല്‍: മധ്യപ്രദേശില്‍ കോവിഡ് ബാധിച്ച മന്ത്രിമാരുടെ എണ്ണം മൂന്നായി. ഇന്നലെ പിന്നാക്ക, സാമൂഹ്യക്ഷേമ മന്ത്രി രാമഖേല്‍വാന്‍ പട്ടേലിനാണു രോഗം സ്ഥിരീകരിച്ചത്. മുഖ്യമന്ത്രി ശിവരാജ് സിംഗ് ചൗഹാനും രണ്ടു മന്ത്രിമാര്‍ക്കും നേരത്തെ കോവിഡ് സ്ഥിരീകരിച്ചിരുന്നു. അരവിന്ദ് സിംഗ് ഭദോരിയ, തുളസി സിലാവത് എന്നിവരാണു മുന്പ് കോവിഡ് സ്ഥിരീകരിച്ച മന്ത്രിമാര്‍.
മധ്യപ്രദേശിലെ ജലവിഭവ വകുപ്പ് മന്ത്രി തുള്‍സി സിലാവത്തിന്റെ ഭാര്യയ്ക്കും രോഗബാധ സ്ഥിരീകരിച്ചിട്ടുണ്ട്. കഴിഞ്ഞ ആഴ്ചയാണ് മധ്യപ്രദേശ് മുഖ്യമന്ത്രി ശിവരാജ് ചൗഹാന് കോവിഡ് 19 സ്ഥിരീകരിച്ചത്. ചൊവ്വാഴ്ച ആശുപത്രിയില്‍ നിന്ന് വെര്‍ച്വല്‍ മന്ത്രിസഭായോഗത്തില്‍ മുഖ്യമന്ത്രി ശിവരാജ് സിങ് ചൗഹാന് പങ്കെടുത്തിരുന്നു.
