തെക്കന്‍ ടെക്സാസില്‍ 85 മൈല്‍ മൈല്‍ വേഗതയില്‍ വീശുന്ന ഹന്നാ ചുഴലിക്കാറ്റിനൊപ്പം കനത്ത മഴയും വെള്ളപ്പൊക്കവും തുടരുന്നു. പ്രാദേശിക സമയം ശനിയാഴ്ച വൈകുന്നേരത്തോടെയാണ് ചുഴലിക്കാറ്റ് ആഞ്ഞടിച്ചത്. സംഭവത്തില്‍ ആളപായമില്ലെന്നാണ് റിപ്പോര്‍ട്ട്.
അറ്റ്‌ലാന്റിക്കിലെ ഈ സീസണിലെ ആദ്യ ചുഴലിക്കാറ്റാണിത്. രാജ്യത്തെ വിവിധ സംസ്ഥാനങ്ങളില്‍ കൊറോണ വൈറസ് കേസുകള്‍ വര്‍ധിച്ചുകൊണ്ടിരിക്കുന്നതിനിടയിലാണ് പുതിയ ഭീഷണി. കോര്‍പ്പസ് ക്രിസ്റ്റി ഉള്‍പ്പെടുന്ന ന്യൂസെസ് കൗണ്ടിയില്‍ ഏകദേശം 362,000 ആളുകള്‍ താമസിക്കുന്നുണ്ട്. ഓരോ ദിവസവും ഇവിടെ റിപ്പോര്‍ട്ട് ചെയ്യപ്പെടുന്ന വൈറസ് കേസുകളുടെയും മരണങ്ങളുടെയും എണ്ണം കഴിഞ്ഞ ചില ആഴ്ചകളായി വര്‍ധിച്ചുവരികയാണ്.
