ചെന്നൈ: തമിഴ്നാട്ടില്‍ കോവിഡ് രോഗികളുടെ എണ്ണം രണ്ടുലക്ഷത്തിലേക്ക് അടുക്കുന്നു. ഇന്നലെ 6785 പേര്‍ക്കു രോഗം സ്ഥിരീകരിച്ചു. ഒരു ദിവസത്തെ ഉയര്‍ന്ന കണക്കാണിത്. ഇതോടെ ആകെ രോഗികള്‍ 1,99,749 ആയി.
ഇന്നലെ 88 പേര് രോഗം ബാധിച്ച്‌ മരിച്ചു.ഇതോടെ സംസ്ഥാനത്തെ ആകെ മരണം 3320 ആയി ഉയര്‍ന്നു. ഇന്നലെ രോഗബാധ സ്ഥിരീകരിച്ചവരില്‍ 18 പേര് വിദേശത്ത് നിന്ന് മടങ്ങിയെത്തിവരാണ്. 38 പേര് അന്യസംസ്ഥാനത്ത് നിന്നെത്തിയവരുമാണ്. ഇതില്‍ നാലുപേര്‍ കേരളത്തില്‍ നിന്നുള്ളവരാണ്.
53,132 പേര് നിലവില്‍ ചികിത്സയിലുണ്ട്. 6504 പേര് ഇന്നലെ രോഗമുക്തി നേടി. ആകെ രോഗമുക്തി നേടിയത് 1,43,297 പേരാണ്. 65,150 സാമ്ബിളുകള്‍ ഇന്നലെ പരിശോധിച്ചു. ചെന്നൈയില്‍ ഇന്നലെ 1299 കോവിഡ് കേസുകള്‍ സ്ഥിരീകരിച്ചു.
