അമേരിക്കയില്‍ കോവിഡ് വ്യാപനം രൂക്ഷമാകുന്നു. ഇതേ തുടര്‍ന്ന് രോഗികളെ പ്രവേശിപ്പിക്കാനുള്ള ശേഷിക്കുമപ്പുറത്തേക്ക് രോഗികളുടെ എണ്ണം വര്‍ധിച്ചതോടെ പലയിടങ്ങളിലും വൈറസ് ബാധിതരെ വീടുകളിലേക്ക് മടക്കി അയക്കുകയാണെന്നാണ് റിപ്പോര്‍ട്ട്.ടെക്സസിലെ ആശുപത്രികളില്‍ അത്യാവശ്യമായി ചികിത്സ വേണ്ടവരെ മാത്രമാണ് അഡ്മിറ്റ് ചെയ്യുന്നതെന്നും ബാക്കിയുള്ള വൈറസ് ബാധിതരെ ആവശ്യമായ നിര്‍ദേശങ്ങള്‍ നല്‍കി വീടുകളിലേക്ക് തന്നെ മടക്കി അയക്കുകയാണെന്നുമാണ് വിവരം.
പലപ്രേദേശങ്ങളിലും കോവിഡ് ബാധിതതരുടെ ഉറവിടം കണ്ടെത്താന്‍ പോലുമാകുന്നില്ല. ടെക്സസ്, ജോര്‍ജിയ, ഇല്ലിനോയിസ് തുടങ്ങിയ ഇടങ്ങളിലാണ് സ്ഥിതിഗതികള്‍ രൂക്ഷമെന്നാണ് വിവരം. രാജ്യത്ത് 24 മണിക്കൂറിനിടെ 62,000ത്തോളം പേര്‍ക്കാണ് പുതിയതായി വൈറസ് ബാധ സ്ഥിരീകരിച്ചത്.രാജ്യത്തെ ആകെ കോവിഡ് ബാധിതരുടെ എണ്ണം 42,31,344 ആയി. ആകെ മരണം 1,48,184 ആവുകയും ചെയ്തു.
