ന്യൂഡല്ഹി: ഗുണ്ട നേതാവ് വികാസ് ദുബെയുടെ ഏറ്റുമുട്ടല് കൊലപാതകം സംബന്ധിച്ച് സുപ്രീംകോടതി മുന് ജഡ്ജി ബി.എസ്. ചൗഹാനെ അധ്യക്ഷനാക്കി അന്വേഷണ സമിതി പുനഃസംഘടിപ്പിച്ചു. അലഹബാദ് ഹൈകോടതി മുന് ജഡ്ജി ശശികാന്ത് അഗര്വാള്, ഉത്തര്പ്രദേശ് പൊലീസ് മുന് മേധാവി കെ.എല്. ഗുപ്ത എന്നിവരാണ് സമിതിയിലെ മറ്റ് അംഗങ്ങള്. സുപ്രീംകോടതി ജഡ്ജിയെയും വിരമിച്ച ഉന്നത പൊലീസ് ഉദ്യോഗസ്ഥനെയും കൂടി ഉള്പ്പെടുത്തി അന്വേഷണ സമിതി പുനഃസംഘടിപ്പിക്കാന് ഉത്തര്പ്രദേശ് സര്ക്കാറിന് കഴിഞ്ഞ ദിവസം സുപ്രീംകോടതി നിർദേശം നൽകിയിരുന്നു. ബുധനാഴ്ച കേസ് വീണ്ടും പരിഗണിച്ച ചീഫ് ജസ്റ്റിസ് എസ് എ ബോബ്ഡെ അധ്യക്ഷനായ ഡിവിഷന് ബെഞ്ചിന് മുന്നില് സോളിസിറ്റര് ജനറല് തുഷാര് മേത്തയാണ് ജസ്റ്റിസ് ചൗഹാേൻറയും കെ.എല്. ഗുപ്തയുടെയും പേര് നിര്ദേശിച്ചത്.
…