രാജാക്കാട്: . ഉറവിടമറിയാത്ത നിരവധി കോവിഡ് കേസുകള് വരുന്നതിനാല് രാജാക്കാട്ടെ റാപ്പിഡ് ടെസ്റ്റ് താത്ക്കാലികമായി നിര്ത്തിവച്ചു. കോവിഡ് വ്യാപനം കൂടിവരുന്ന സാഹചര്യത്തില് രാജാക്കാട് പഞ്ചായത്തിലെ മുഴുവന് വാര്ഡുകളും കണ്ടെയ്ന്മെന്റ് സോണായും ഒന്നുമുതല് ആറുവരെ വാര്ഡുകളില് ട്രിപ്പിള് ലോക്ക്ഡൗണും പ്രഖ്യാപിച്ചിരുന്നു.
ഈ സഹചര്യവും കൂടി കണക്കിലെടുത്തു രോഗികളുടെ എണ്ണം കൂടിവരുന്നതും കണക്കിലെടുത്താണ് റാപ്പിഡ് ടെസ്റ്റ് താത്ക്കാലികമായി നിര്തുന്നതെന്ന് മെഡിക്കല് ഓഫീസര് ഡോ. ജോബിന് അറിയിച്ചു. സാമൂഹ്യരോഗ്യ കേന്ദ്രത്തിലെ മുഴുവന് ജീവനക്കാരെയും രാജകുമാരി പ്രാഥമികാരോഗ്യ കേന്ദ്രത്തില് പിസിആര് ടെസ്റ്റ് നടത്തി. ഇതിന്റെ ഫലം വന്നതിന് ശേഷമാകും ബാക്കി കാര്യങ്ങള് തീരുമാനിക്കുക.