ബംഗളൂരു: കന്നഡ നടി ഐശ്വര്യ അര്ജുന് കോവിഡ് സ്ഥിരീകരിച്ചു. കോവിഡ് പരിശോധനയില്‍ തനിക്ക് പോസിറ്റീവ് ഫലം ലഭിച്ചതായി ഐശ്വര്യ ഇന്‍സ്റ്റഗ്രാമിലൂ‌ടെ അറിയിച്ചു. അടുത്തിടെ താനുമായി ഇടപഴകിയ എല്ലാവരോടും കോവിഡ് പരിശോധന നടത്തണമെന്നും ഐശ്വര്യ ആവശ്യപ്പെട്ടു.
താന്‍ വീട്ടില്‍ ക്വാറന്‍റൈനില്‍ പ്രവേശിച്ചിരിക്കുകയാണ്. ഒരു പ്രൊഫഷണല്‍ മെഡിക്കല്‍ ടീം ഇതിനായുള്ള മാര്‍ഗങ്ങനിര്‍ദേശങ്ങള്‍ തന്നിരുന്നു. ആവശ്യമായ എല്ലാ മുന്‍കരുതലുകളും എടുക്കുന്നുണ്ടെന്നും അവര്‍ പറഞ്ഞു. കഴിഞ്ഞ കുറച്ച്‌ ദിവസങ്ങളായി തന്നോട് ബന്ധപ്പെട്ടിരിക്കുന്നവര്‍ ശ്രദ്ധിക്കണമെന്നും അവര്‍ അറിയിച്ചു. പ്രശസ്ത തെന്നിന്ത്യന്‍ നടന്‍ അര്ജുന് സര്‍ജയുടെ മകളാണ് ഐശ്വര്യ അര്ജുന്.
